પાથરી જઈશ.- મોહ્મ્મદ અલી ભૈડુ”વફા”

આગિયો થૈને હવામા હુઁ બળી જઈશ.
હુઁતમારા માર્ગમાઁ દીવો ધરી જઈશ.

વીણતો રહીશ કંટ્કો રાહના સહુ,
ને તમારા રાહમા ફૂલો ભરી જઈશ.

કોકવેળા ઘાવને આ જોઇપણ લેજો,
દરદ ભીનુઁ હુઁ દિલે આ કોતરી જઈશ.

આંખની મોઘી મતા ને સાચવી લેજો,
યાદના પાલવ મહેકતા પાથરી જઈશ.

આવશે કોદી હવાના કાગળો ભીના,
તો”વફા”હુઁ મ્હેકની જયમ સાંભરી જઈશ.

મોહ્મ્મદ અલી ભૈડુ”વફા”
(ગાલગાગા,ગાલગાગા,ગાલગાગા)