દ્વાર પર- મોહમ્મદઅલી ભૈડુ”વફા”

દીપ સ્મરણો ના બળેછે દ્વાર પર.
આરઝૂ ઝૂરી મરેછે દ્વાર પર.

કોઇની દસ્તક પડેછે દ્વાર પર.
આંખડી ત્યાઁ સરવરેછે દ્વાર પર.

ઈંતેજારી ના લટકતા કંટકે,
જિઁદગી ડુસકાઁ ભરેછે દ્વાર પર.

આસકળ અસ્તિત્વ ધીમે ઓગળી,
ધડકનો થઇને ફરેછે દ્વાર પર.

આંખ હુઁ મીંચી દઉઁ છુઁ તે છતાઁ,
હૈયુઁ તો બળતુ રહેછે દ્વાર પર.

આંખમા થીજયા પ્રતીક્ષા ના કણો,
આગમનથી ઓગળેછે દ્વાર પર.

લાગણીના ભારથી કચડાયેલી,
ઊર્મિઓ છલકી રહે છે દ્વાર પર.

હા”વફા” નિશ્ચે થયુંછે આગમન,
આજ હૈયુઁ થર થરેછે દ્વાર પર.

મોહમ્મદઅલી ભૈડુ”વફા”
ગુ.મિ.20નવે.1967
ગાલગાગા,ગાલગાગા,ગાલગા
(ફાઇલાતુન, ફાઇલાતુન,ફાઇલુન્)

રમલ છઁદ (11 અક્ષરી)