બાગેવફાबागेवफाBageWafa باغِ وَفا

બાગેવફા ની નવી સાઈટ

2007-03-09T20:44:00.000-08:00

બાગેવફા ની નવી સાઈટ

આદરિણય મિત્રો,સાથીઓ અને વડીલો

હવે પછી .બાગેવફા’ની નવી પોસ્ટો નીચે જણાવેલ wordpress.com પ્રગટ થશે .તો ત્યાઁ જવા અહીઁ કલીક કરો.

બાગે વફા बागे वफा Bage Wafa باغِ وَفا

રણમાઁ તો જવા દે_મોહમ્મદઅલીવફા’

2007-03-09T02:39:00.000-08:00

લઈ ને નીકળ્યો દર્દ છુઁ, કોઇતો દવા દે
આ આગ પર હે પ્રિયે થોડી તો હવા દે.

આ વેદનાના હોત થાતે તારુઁ શુઁ ‘વફા’
જઁગલનો રસ્તો દે મને રણમાઁ તો જવા દે.

_મોહમ્મદઅલીવફા’(9માર્ચ2007)

ખોવાનુઁ રોજ છે__મોહમ્મદઅલી “વફા”

2007-03-04T20:45:00.000-08:00

ગઝલ

કઁઇ ને કઁઇ તો હવે ખોવાનુઁ રોજ છે.
સચવાય જો દ્રષ્ટિ નહીઁ રોવાનુઁ રોજ છે.

આ મગરની સાથે કરે કોણ દુશમની હવે
પાણી નગર માઁ મીન ને રહેવાનુઁ રોજ છે.

પાનખર નિરખી એક દમ તો ક્યાઁ ડર્યા તમે?
આ સબઁધ તો ડાળીઓને જોવાનુઁ રોજ છે.

ફરિયાદ એની કઈઁનથી સાગર મળ્યો નહીઁ.
તલ્ખી ભરીને જામતો પીવાનુઁ રોજ છે .

માળી તુ એને ગાઁઠથી બાઁધી નહીઁ શકે,
આ ફૂલ ને તો પાઁદડી થઇ ખરવાનુઁ રોજ છે.

એતો સમયની રેત છે મુઠ્ઠી ના ખોલ તુ,
મહેદી રચેલા હાથને બળવાનુઁ રોજ છે.

બે ચાર વાતોમાઁ ‘વફા’ ફરિયાદ કઁઇ હશે,
નહીઁતો જિવનનાઁ ચીઠરાઁ ધોવાનુઁ રોજ છે.

__મોહમ્મદઅલી “વફા”

ગુનેગાર જેવુઁ_મોહમ્મદઅલી’વફા’

2007-03-02T15:50:00.000-08:00

ગઝલ

હવે ચાલતુઁ બસ આ વ્યપાર જેવુઁ
કરે કોણ અહિઁયા હવે પ્યાર જેવુઁ

ન સાકી હવે એ ન વેડફતાઁ એને
નકો મયકદે છે તલબગાર જેવુઁ

મહેકી ઉઠ્યોછે હવે બાગ દિલનો
કદમ કોઇ ભરતુઁ શરમસાર જેવુઁ

સતત આંખ ચોંટી ગઈ આસમાને
કણસ્યા કરે કોઇ લાચાર જેવુઁ

નજરથી થતી’તી જિગરની યે હોળી
નયન માઁ હવે કયાઁ ક ઇઁ ધાર જેવુઁ ?

‘વફા”તલબ માફી તણી લઇ હુઁ આવ્યો
હસુઁ છુઁ જુઓ ને ગુનેગાર જેવુઁ

‘વફા’આ ગરીબુલ વતન માઁ રઝળતે !
હતે કઁઇ અમારુઁ યે ઘરબાર જેવુઁ

_મોહમ્મદઅલી’વફા’(2માર્ચ2007)

नीकलुँ_मोहम्मदअली भैडु’वफा’

2007-02-28T15:17:00.000-08:00

गजल

जूलमतोँ के ये कफस को तोड. कर नीकलुँ
मिसले सबा मेँ चमन को छोड् कर नीकलुँ

अपनी खुदीका सौदा ये मंजुर नहीँ मुझे
चश्मे हवादीसोँ को भी मेँ फोड कर नीकलुँ

मेरे दरद की केफियत समजे क्या जमाना
अपनी लकीरे हदुद को मोड कर नीकलुँ

बाजार मे बीक जाउँगा है मुझ्को ये पता
मेँ सीपकी ये क़ैदको तोड कर नीकलुँ

बहता हुआ दरिया हुँ मेँ नहीँ रुकता कभी
आबो की बस्तियोँ को मेँ जोड कर नीकलुँ

रुकने का जरा शौक़ नहीँ मुझ्को ए ‘वफा’
अपनी कजा के आयने को खोल कर नीकलुँ

_मोहम्मदअली भैडु’वफा’(27फेब्रु.2007)

karte hain ( 1 2 3 4) wafa ali 27th February 2007 11:22 PMby wafa ali posts155 views10,008

Shayri.com(Apkishayri)(karte hain)Wafa ali પર 10,0000 નો આંક વટાવી ચુકેલી શ્રેણી નીઅંતિમ ગઝલ
To read more rachna in roman,devnagri or urdu script click pl.

http://www.shayri.com/forums/showthread.php?t=43607&page=5

તમને ખબર નથી_મોહમ્મદઅલી ભૈડુ’વફા’

2007-02-25T08:54:00.000-08:00

મારી સરળતાથી તમે ક્ષોભાય ગયાઁ છો, હુઁ શુઁ હતો એની ખચિત તમને ખબર નથી
નિરખી મને આજે તમે શરમાય ગયાઁ છો, મારા હૃદય કુઁજ પરજરા ખચિત નજર નથી

માઁગો નહીઁ પરિચય હવે , હુઁ ક્યાઁ કશુઁ પણ છુઁ,હુઁ તો રઝળતા કાફલાની એક ધૂળ છુઁ
મારા કવન થી તો તમે વહેમાય ગયાઁ છો, મારા જીવનના બાગમાઁ એની અસર નથી.

વહેઁ ચાયલા વ્યક્તિત્વનો લાદ્યો છે ભાર મે,બળતો રહ્યો હુઁ શિયાળા ની ઠઁડી બપોરમાઁ
શાને તમે આજે હવે રિસાય ગયાઁ છો, મારી સરળ આ લાગણીની કઁઇ કદર નથી.

દિલના ઝરૂખે આપનો દીપક બળતો રહ્યો,માણી હતી મે પ્રેમની ખૂશ્બુ તણી હવા
શાયદ વિચારો માઁ તમે ઘેરાય ગયાઁ છો,લાઁબી થઈ છે રાત શાયદ સહર નથી.

_મોહમ્મદઅલી ભૈડુ’વફા’(25ફેબ્રુ.2007)

(બેકાફિયા અને બે રદીફ વાળી પ્રાયોગિક ગઝલ)

આવી પડે_મોહમ્મદઅલી ભૈડુ’વફા”

2007-02-23T14:25:00.000-08:00

ગઝલ

એકદમ જો આવરણ આવી પડે
ખેતર લચેલા માઁય રણ આવી પડે.

આ ઝાઁઝવાની પરબ લઈ બેઠા તમે
પણ શુઁ થશે પ્યાસુઁ હરણ આવી પડે?

કો ડૂબનારા ની જશે આશા વધી
જો તણખલાનુઁ શરણ આવી પડે

ભીઁગાય હોઠ સુકા અમારા સ્વપ્નના
યાદો તણા સહરે ઝરણ આવી પડે

એકજ ઈચ્છા છે ‘વફા’ જીવન મહીઁ
હો નામ તુજ હોઠે મરણ આવી પડે

_મોહમ્મદઅલી ભૈડુ’વફા”(23ફેબ્રુ.2007)

પર્ણો ખરી ગયા_મોહમ્મદઅલી”વફા”

2007-02-05T21:01:00.000-08:00

ગઝલ

શાયદ સમય,ના બાગના, પર્ણો ખરી ગયાઁ
યારબ જિવન ના કઇ રીતે વર્ષો વહી ગયાઁ

જેને મળુઁ એતો હવે લાગે અજનબી મને
તે દોસ્તીના કાફલા કયાઁ પગ કરી ગયા

થાકી ગયો છુઁ હુઁ હવે મારોજ બોજ થઈ
મારાજ પડછાયા મને કયાઁ લઇ ડુબી ગયા

લાશો ફરી સદીઓ તણી કાઁધ ક્ષણ ની લઈ
ક્ષણના બધાયે કાફલા સદીઓ બની ગયા

તોયે નમેઁ નિરખી કદી મારી અસલ છ્બી
આવી બધા મિત્રો સતત દર્પણ ધરી ગયા

કારણ નહીઁ એનુઁ છતાઁ મેઁતો હસી દીધુઁ
કારણ વગર રસ્તા મહીઁ મિત્રો મળી ગયા

આવ્યા હતા જોને’વફા’ ખાલી હાથ લઈ
પાછા ગયા તો કેટલા દરદો ભરીગયા

_મોહમ્મદઅલી”વફા”(5ફેબ્રુ.007)

ગાઁધી*મોહમ્મદઅલી’વફા’

2007-01-31T01:13:00.000-08:00

મર્સિયો

કેટલો તુજને અમે છેતર્યો ગાઁધી
તારીજ અહિઁસાથી કોતર્યો ગાઁધી

જ્યાઁ મળ્યો મોકો છેદી તને દીધો
ગોડસેની ગોળીએ વેતર્યો ગાઁધી

દેશમાઁ રહીને અમારા સાચુઁતુઁ બોલ્યો
ત્રણ ત્રણ ગોળીઓથી નીતર્યો ગાઁધી

તે પછી ગાઁધીતને બાપુ બનાવ્યો
અઢળક ખાદી આઁટીએ સોઁતર્યો ગાઁધી

હેબતાઈ ગયા ;વફા’ભક્તો ગાઁધીના
કોઇ વાતમાઁ ન કોઇએ જોતર્યો ગાધી.

*મોહમ્મદઅલી’વફા’
30જાન્યુ.2007
Filed under marsias 30jan.2007

હોગા ગાઁધી

પ્યારકી રાહ દીખા દુનિયાકો
રોકે જો નફરત કી આઁધી
તુમસે કોઇ ગોડસે હોગા
મરના હો તો હોગા ગાઁધી

પ્યારકી રાહ દીખા દુનિયાકો

ફારસી અછન્દાસ કવિતા_ મેહમુદ કિયાનુશ

2007-01-30T21:05:00.000-08:00

હિમ

હિમ વર્ષા થઇ ગઇ

અને અગ્નિ તાંડવ સાથે

એની સફેદીની શુધ્ધતા મહીઁ

એણે વિચ્છેદ કર્યો

આ ધરાના ચહેરા ઉપરથી

બધાજ રંગો,બધીજ ત્રાસ દાયકતા ને

હવે બે કે ત્રણ કલાકો માટે

આ અવકાશ મુક્ત રહેશે

ઘોઁઘાટ ભરેલા વિક્ષુબ્ધ કરનાર

અંશોથી

* મેહમુદ કિયાનુશ

વરસાદ ભીઁજવે*મોહમ્મદ અલી ભૈડુ’વફા’

2007-01-23T16:29:00.000-08:00

વરસાદ ભીઁજવે*મોહમ્મદ અલી ભૈડુ’વફા’

ગઝલ

ખોટી થઇ ફરિયાદ કે વરસાદ ભીઁજવે
ઉભાઁ હૈયા ફાટ કે વરસાદ ભીઁજવે

ચઁપાઈ બે ખગ ગયા કે એક છે જાણે
દિલનો ઉતારો થાક કે વરસાદ ભીઁજવે

પાલવને તે લાજના વળગી પડયાઁ ‘વફા,
માઝમ છે કાળી રાત કે વરસાદ ભીઁજવે

*મોહમ્મદ અલી ભૈડુ’વફા’(23જાન્યુ.2007)
’ કે વરસાદ ભીઁજવે’ પંક્તિ શ્રી રમેશ પારેખની છે.

આખી ગઝલ વાઁચવા કલીક કરો
http://bazmewafa.blogspot.com/

કેદ થઇ_મોહમ્મદઅલી ભૈડુ,વફા,

2007-01-20T18:41:00.000-08:00

ગઝલ

શબ્દો ફરી રહ્યા છે કાગળમાઁ કેદ થઇ
સદીઓ સરી રહી છે સહુ ક્ષણમાઁ કેદ થઇ

શબ્દો તણાઁ વહેણે વહ્યુઁ અર્થોનુઁ માળખુઁ
ત્રાગુઁ થયુઁ બધે મૌનનુઁ ઘર ઘરમાઁ કેદ થઇ

હોઠો હવે કયાઁ બીડ્યા સ્મિતના ટાક્ણે
વેરાય અશ્રુઓ બધા પાઁપણમાઁ કેદ થઇ

પાષાણનાઁ ઉદરમાઁ વહ્યુઁ ઝરણ સબઁધ નુઁ
આ કોણ ભીઁજવે હ્રદય ઝાકળમાઁ કેદ થઇ

આકાર અગણિત કર્યા નિરાકાર એકના
શોધી રહ્યા ભક્તો જૂઓ પથ્થરમાઁ કેદ થઇ

એની તૃષા પણ ગજબની ધુઁવાદાર હશે
પીવા તણી ઝઁખના મૃગજળમાઁ કેદ થઇ

એને’ વફા’. ભરીલો હૈયાના કુઁડમાઁ
સાગર ગયો છે આવી ગાગરમાઁ કેદ થઇ

_મોહમ્મદઅલી ભૈડુ,વફા,

(26ઓગષ્ટ2005)

સાર તત્વ*મકરન્દ દવે.

2007-01-17T21:18:00.001-08:00

સાર તત્વ*મકરન્દ દવે.

ગઝલની કટોરી નાજૂક છે,પણ નબળી નથી.હવાઇ તરંગ જેવા આસમાની પીણાને તે બિલોરી રંગમાઁ ઝીલી શકેછે ,તો ધરતીના પડમાઁથી ઊઠતા લાવાની અગન_ઝાળને તે આસાનીથી ઊછળતી રાખે છે.ગઝલની કિનારી પર તરતા બુદબુદોમાઁ ,બુઁદ સમાની સમુદ્રમેઁ,ની ગહરાઈ તરી આવેછે. કોઈની આંખે આંસુનુઁ બિઁદુ ઝળકે,હોઠ પર સ્મિતની પાઁદડી ફરકે અથવા અકઠ કહાની હૈયાની ભીતર ને ભીતર વલોવાયા કરે.તેને ગઝલ વાચા આપેછે___પાણીદાર મોતીની જીભે.

For more updates and detail go to

http://bazmewafa.blogspot.com/

જિઁદગી_ઉશનસ્

2007-01-17T21:16:00.000-08:00

જિઁદગી_ઉશનસ્

જિઁદગી ઊઁચકો ઊઠવાની છે
જામ લ્યો,લ્યો જવાની છે

આમ તો સાવ ફાની છે
બુદબુદીજ હવાની છે
For more updates and detail go to

http://bazmewafa.blogspot.com/

સન્નાટો_મખ્દુમ મહ્યુદ્દીન

2007-01-17T21:12:00.000-08:00

સન્નાટો

કોઇ ધડકન

ન કોઇ સરસરાહટ

ન લહેરખી

ન કોઇ મોજ

For more updates and detail go to

http://bazmewafa.blogspot.com/

આ તો સબઁધ કેવો*મોહમ્મદઅલી ભૈડુ,વફા,

2007-01-12T17:38:00.000-08:00

ગઝલ

સતત સાથે રહી મ્હેક્યો નહીઁ આ તો સબઁધ કેવો
કળી ખીલી પણ તુ ખીલ્યો નહીઁ આ તો સબઁધ કેવો

હજી આ પ્યાસ તો સુરજ મુખીની અકબઁધ ઊભી છે
સુરજ સાઁજે તુઘર ફર્યો નહીઁ આ તો સબઁધ કેવો

ચમકતી ચાઁદનીમાઁ કેટલા ખરતા રહ્યા તારા
અને ઓ ચાઁદ તુ ખર્યો નહીઁ આ તો સબઁધ કેવો

અમે ડૂબી ગયાઁ,તા એમની આઁખો તણા જળમાઁ,
અહમ એનો છતાઁ ડૂબ્યો નહીઁ આ તો સબઁધ કેવો

સતત એની હજૂરીમાઁ ‘વફા’ઝૂકવુઁ જરૂરી છે
નમાઝોમા પણ તુ ઝુક્યો નહીઁ આ તો સબઁધ કેવો

*મોહમ્મદઅલી ભૈડુ,વફા,(જુન2006)

તુલસી ઈસ સંસારમે__મુલ્લા રમુજી

2007-01-11T14:44:00.000-08:00

(કત્બા=કબર ના શીલા લેખો)
એક શિક્ષકની કબર

એમને ફાળો કરી દફનાવિયા,
પ્રાથમિક શાળાન એ શિક્ષક હતા

એમને ભક્ષી ગઈ ‘ઈંન્સાનિયત’
વેદિયા નવ્વાણુઁ નહીઁ પણ સો ટકા.

ખેત મજૂરની કબર

જિઁદગીભર જેણે મજદૂરી કરી
તેજ અઁહી સુતોછે ગેમલ ચાવડો
વારસો પણ કેટલો મૂકઈ ગયો
માત્ર કોદાળી ને જૂનો પાવડો.

મસ્જીદના મુતવલ્લી(ટ્રસ્ટી)ની કબર:

આ તો મુતવલ્લી હતા મસ્જીદના,
એ મર્યા કેવુઁ કરી શાણપણ
નામ પર પોતાના ખુદ કરતા ગયા-
એકલી મિલ્કત નહીઁ મસ્જિદ પણ

પીર સાહેબની કબર:

એ દુઆ પાણીમાઁ ફૂઁકીને વેચતા,
એમના ગ્રાહક હતા દુ;ખિયાજનો
જ્ઞાન તો ના કાના માતરનુઁ હતુઁ
એમનો ધઁધો હતો તાવીજનો.

બાંગી સા,બની કબર:

કૂચ દુનિયાથી કરીજો એમણે
થઈ ગયા કુકર્મ એમના છતા!
જ્યારે બાઁગી સા’બ મસ્જીદમાઁ હતા
બૂટ શુઁ ?ઘડિયાળ ચોરાતાઁ હતા

For more updates and detail go to

http://bazmewafa.blogspot.com/

*** If you are not able to read Gujarati in this e-mail, please click ?view? menu at the top of your browser pageand go to ?Character encoding? & change to ?UTF-8 (unicode)?
***Or open the pdf attachment.

હ્રદયની મીન પ્યાસી છે*મોહમ્મદ અલી ભૈડુ’વફા’

2007-01-09T20:22:00.000-08:00

ગઝલ

વસઁતોની પળોમાઁ પણ ચમન માઁ આ ઉદાસી છે
જળોના સાગરોમાઁયે હ્રદયની મીન પ્યાસી છે.

ખરેલા આઁસુઓનો શોક પાગલ નૈન લઇ બેઠા
હ્રદયની ડાળકીએ સ્મૃતિઓની ભીડ જામી છે

સતત અંગત બની જાયે દરદ પીડા બધાઁ દુ:ખો
અમેતો વેદનાને પણ હવાની જ્યમ સ્વાસી છે

ચણી બેઠા બધી ભીઁતો પરસ્પર સેતુને બદલે
સબઁધોના સુરજ ઊપર ગ્રહણની મેશ જામીછે

જરા સ્પર્શ થયો આછો છવાઈ શબનમી ભીનપ
સઁવેદન લાગણી ની વેલ આઁખોમા તરાશી છે

મળે કયાઁથી ‘વફા’તુજને હવે તાજી હવા અહીઁયા
દરોછે બઁધ સઁવેદનના હ્રદયની બઁધ બારી છે.

*મોહમ્મદ અલી ભૈડુ’વફા’(જુલાઈ1970)

दारो रसन* मोहम्मदअली भैडु’वफा’

2007-01-08T20:52:00.000-08:00

दारो रसन * मोहम्मदअली भैडु’वफा’

दारो रसन पर भी न भुला तु अल्लाह को हुसेन
ईमाँ का हक अदा कीया बस लाई लाहा ईल्ललाह

(हुसेन=सदम हुसेन मर्हुम) *वफा

،पहरे*मोहम्मदअली भैडु’वफा’
शिकवा पसँद दिल को अब कौन मनाए,
जालिमो सफ्फाक को अब कौन मिटाए

बैठा दिए जलिमने अश्कोँ पे भी पहरे,
कीसकी मजाल है कि एक आंसु बहाए

दारो रसन पर चढ गया एक भाई तुम्हारा
बेठेहो ए अहले अरब अब उँगलियाँ दबाए

गैरत का कोई बाब भी बाकी नही तुममे,
चलतेहो नाहक की एक डोलीको ऊठाए

सलाहुद्दिन क्या अब कोई पैदा नहीँ होगा?
कमजोरीए ईमांन की जो झुल्कोँ को सँवारे.

औलादे दज्जालो बुश बैठी है सीनो पर
और पास अब रह गये सब खोखले नारे

.है’वफा’नादिमो मग्मुम और मजबुर भी बहुत
रब्बेकरीम से है दूआ कि अब तुही बचाए*

मोहम्मदअली भैडु’वफा’ 30डीसे.2006

એક ભાડાનુઁ ઘર*મોહમ્મદઅલી ભૈડુ’વફા’ ગઝલ

2007-01-06T20:12:00.000-08:00

એક ભાડાનુઁ ઘર*મોહમ્મદઅલી ભૈડુ’વફા’ ગઝલ
ગઝલ
દેહનુઁ આ તો નગર
એક ભાડાનુઁ છે ઘર

સ્થળ બદલાયા કરે
રૂહ એની છે અમર

વધુ માટે કલીક કરો

http://bazmewafa.blogspot.com/

હસતો રહ્યો *મોહમ્મદ અલી ભૈડુ’વફા’

2007-01-01T15:27:00.000-08:00

એજ તારા બે વજન હુઁકાર પર હસતો રહ્યો,
જે ગયા તૂટી વીણાના તાર પર હસતો રહ્યો.

નામ લઇ અલ્લાહ નુઁ ફાઁસી ઉપર લટકી ગયો
તેઁ કરેલા ખોખરા એ વાર પર હસતો રહ્યો

*મોહમ્મદ અલી ભૈડુ’વફા’
1જાન્યુ.2007

બેઠો*મોહમ્મદઅલી ભૈડુ’વફા’

2006-12-29T14:19:00.000-08:00

ગઝલ

મોંઘી મતાને લઇને હુઁ વ્યપારવા બેઠો
મારા જ્ખમને હુઁ જરા શણગારવા બેઠો

એનો અસલ ઢાંચો પડીજાય ન ઉઘાડો
પાણી ઉપર કઇઁ સ્મિતને કંડારવા બેઠો

બેચાર ટીપાઁ શાયદ મળી જાય એમાઁથી
ખાલી લઈને જામ હુઁ નીતારવા બેઠો

વરસો સુધી એને જમા કરતો રહ્યો તો હુઁ,
મિથ્યા સબઁધોને હવે ઊધારવા બેઠો

બેસી રહ્યો હુઁ ઝાઁઝવાની જીદ લઈ અઁહી
એની મમત પર જિઁદગી જુગારવા બેઠો.

મારીજ એ પાછળ રહ્યો રોશનીની આડમાઁ
મારાજ પડછાયાને હુઁ પડકારવા બેઠો

કવચિત મળી જાયે મને એની કૃપા દ્રષ્ટિ
તેથી ‘વફા’ હુઁતો હૃદય રંજાડવા બેઠો

*મોહમ્મદઅલી ભૈડુ’વફા’
29ડીસે.2006

પાનખર*મુનીર નિયાજી

2006-12-28T18:11:00.000-08:00

તે દિવસ પણ આવનાર છે
જ્યારે તારી કાળી આંખોમાઁ
બધી લાગણીઓ સમાપ્ત થઇ જશે
તારા કેશ જેને નિરખીને
શ્રાવણની ઘનઘોર કાળી ઘટાઓ
નયન માઁ લહરાય છે
રસીલા હોઠો

For more updates and detail nazam go to

http://bazmewafa.blogspot.com/

http://www.shayri.com/forums/showthread.php?t=43607&page=6

http://www.shayri.com/forums/showthread.php?t=53886

*** If you are not able to read Gujarati in this e-mail, please click ?view? menu at the top of your browser pageand go to ?Character encoding? & change to ?UTF-8 (unicode)?.***

Or open the pdf attachment.

સીરતી.*મોહમ્મદઅલી ,વફા.

2006-12-26T18:20:00.000-08:00

સીરતી.

અહમદ આકુજી સુરતી_સીરતી
જન્મ:29ઓકટો.1908
ઈંતેકાલ: 28સપ્ટે.1980.

કોઈ સસ્તી કીર્તિ પાછળ ભલે ભમતુઁ ફરે,
’સીરતી’ની ભવ્યતાને એ કદી ભાવે નહીઁ

,56-,57નો જમાનો હશે.હઝલ સમ્રાટ જ.આઈ..ડી.બેકાર સાહેબે(મર્હુમ),પટેલ મિત્ર,કારવાઁ નો સફર પુરો કરી લોકો ને “ઈનસાન” બાનાવવાની શરુઆત કરી.ઈનસાન,સામયિક શરૂઁ કર્યુઁ .જનાબ ‘વહશી,માસ્તર તાજ સાહેબ,મ.બેબાક રાઁદેરી,શેખચલ્લી(મ.),જ.મસ્તહબીબ સારોદી, શ્રી રતિલાલ’અનિલ, વિ.હમેશા એમના સફરના સાથી રહ્યા.મુશાયેરો એ શબ્દ તો સાઁભળવામાઁ આવેલો,પરઁતુ પ્રથમ વખત બેકાર સાહેબની ટીમે’ મુશાયેરી’ શબ્દનો જન્મ આપ્યો.
આવી એક મુશાયેરી કે.આઇ.એમ.એ.વી.સ્કૂલ,મોટામિયાઁ માઁગરોલ જિ.સુરત માઁ ગોઠવવામાઁ
આવી(પછળથી 1969અને 1971માઁ આવી બે મુશાયેરીમાઁ હુઁ પણ શ્રીબેકારસા. સાથે ઊકાઈડેમ, ઊકાઈ, સોનગઢજિ.સુરતઅને મારા ગામ,લુવારા જિ.સુરત માઁ જોડાયેલો)
આચાર્ય શ્રી એમ.બી.દેસાઈ એ જાહેરાત કરી કે ગુ.શાયેરો(માઁડ બે) આવ્યા છે અને બપોરર્ની રીસેસ પછી મુશાયેરી નો પ્રોગ્રામ છે.
જ.સીરતી સાહેબને પ્રથમ વાર સ્કૂલના પટાઁગણમાઁ જોયા.દાઢી હજી કાળી હતી ,નહી તો ર.ટાગોર સમજી લેવાતે.
સીરતી સાહેબે એમનાઁ બુલઁદ અવાજ માઁ એમની રચના ‘મહોબ્બત ની મસ્તી નો એક જામ લઈલે’શરુ કરી.ત્યાઁ એક લતીફો થયો.મજકુર પઁકતિ ગાવામાઁ વારઁવાર આવતી હતી. ટ્રસ્ટીઓ માઁથી શ્રી યુસુફ ભાઈ પટેલે પટાવાળા ભાઈ હૈદર ને કહ્યુઁ કે સીરતી સાહેબનો જામ પાણીથી ભરી દે..હૈદર ભાઈ એ વારઁવાર જગ લઈ ,જ્યારે પણ સીરતી સાહેબ જામ ભરીદે બોલે એટલે ગ્લાસો ભરવાનુઁ શરુઁ કર્યુઁ. હસાહસનુઁ હુલ્લડ થયુઁ.
પછી 1967 કઠોર,જિ.સુરતના મુશાયેરામા એમની સાથે ભાગ લેવાનીયે તક મળી.
શ્રી રતિલાલ’અનિલ’ સાથે એમની ભારે બે તકલ્લુફી હતી.’અનિલ’ સા..એમને પાપાચારના આદિ વાલ્મિકી કહીને ચીડવતા.
શ્રી રતિલાલ.અનિલ ના શબ્દોમાઁ બીજી વાતો રોમાઁચિત કરી દે એવી છે ,હવે તે વાઁચો
અહીઁ એમના થોડા શેરો પર તઝમીનો રજુ કરવાનો ઉદ્દેશ છે.

*વફા
26ડીસે.2006

સફરના સાથી*રતિલલ ‘અનિલ’

આજે તો કેટલાક કવિઓએ પોતાની કવિતા ટેપ કરાવી છે. અને તેનુઁ વિતરણ પણ થાય છે. જેની જેવે પહોંચ!પણ અમારા સમયમાઁ તો એ દુર્લભ હતુઁ.ટેપ રેકર્ડીગની સગવડ હોત તો ઝવેરચન્દ મેઘાણીએ ગાયેલાઁ ગીતોની માત્ર એકાદ રેકોર્ડ હોય? એ અષાઢી કંઠ તો ટેપ કરવા જેવો હતો.
અહમદ આકુજી સુરતી-સીરતીની કવિતાના બે ભાગ પડતા હોવા જોઇએ.જો કે 1943માઁ એમના પરિચયમાઁ આવ્યો ત્યારથી છેવટ સુધી એમની ગઝલો એક પ્રકારની પરંપરિત શૈલીની ગંભીરજ રહી.
તે તેમની આગલી કવિતા પણ કદી સંભળાવતા નહીઁ એટલે એમની શરૂઆતની કવિતાથી હુઁ અપરિચિત છુઁ.પણ મેઁ જાણ્યુઁકે તે સમયે એક રેકર્ડ મોહનકુમાર ઊનવાલાની ગાયેલી બહુ જાણીતી હતી,તે મેઁ સાઁભળીયે હતી.* તે ગઝલ એમણે લખેલી હતી એ જાણ્યુઁ ત્યારે ભારે આશ્ચ્રર્ય થયુઁ !
અય હકીમો જાવ,
દુનિયામાઁ દવા મારી નથી,
હુઁ ઈશ્કનો બીમાર છુઁ
બીજી કઁઈ બીમારી નથી !
આ રેકર્ડ ત્યારે બહુ જાણીતી હતી.એ ગઝલ હતી’સીરતી’ની.
સીરતી બહુ ઉદાર અને ફક્કડ તબિયતના માણસ હતા. ખભે થેલો લટકાવી એ કઠોર થી નીકળી સુરત આવે ત્યારે સૌથી પહેલાઁ મિઠાઈ વાળાની દુકાને પહોઁચે,મિઠાઈ બઁધાવે,તે પછી અમીન આઝાદની દુકાને આવે.મિઠાઈનુઁ પડીકુઁ ખોલી, હોય તે સૌને કહે; ‘ખાઓ’ ! અને પોતે પણ ખાવા લાગે.પોતે સંકોચ ન કરે અને બીજાને સંકોચ પણ ન કરવા દે. દરેક વખત આજ શિરસ્તો. ઘેર જાય ત્યારે એમની પાસે હોય તે ઝોળી સિવાય ,તેમાઁ કોઇ ઉર્દુ સામયિક ઉમેરાયુઁ હોય બસ. સુરત આવીને એક તો મિઠાઇ વાળાની મુલાકાત લે, તે પછી સહિત્યિક ઉર્દુ સામયિકો મળતાઁ હોય ત્યાઁજાય અને નવા અઁકો ખરીદે. એવો એ સાહિત્ય રાગી જીવ. પાછલી જિઁદગીમાઁ ઈ.સ.1942 પછી એમની આર્થિક હાલત સારી ન હોતી. તે છતાઁ એમનો એ શોખ છેવટ સુધી ચાલુ રહ્યો.
તઁદુરસ્ત શરીર ,માથે વાંકડિયા ઝૂલ્ફાઁ ,દેખાવે પૂરા કવિ લાગે.કંઠ પણ સરસ પહાડી સાદનો,એ કવિતા ગાય ત્યારે સામે કોણ છે એ ભૂલી જાય,બસ પોતાની મસ્તીમામ ગઝલ ગાય,દાદ ની કોઈ પરવાહ નહીઁ,તેમજ અજઁપો યે નહીઁ.પુરો અલગારી સ્વભાવ.મુશાયેરામાઁ આવે ત્યારે એ એક આનઁદ પ્રવાસ હોય એ રીતે આવે. કવિતાની ગઁભીર ચર્ચામાઁ ઝુકાવે ખરા ,પણ તંતીલા નહીઁ.સસ્તી પ્રસિધ્ધિની ભારે નફરત,એવાઓની એ ટીકા પણ કરે.તાજી ઉર્દુ કવિતાના એ સઁપર્કમાઁ રહે અને તેમને ગમી ગયેલી કવિતા ગાઈને સંભળાવે, એ રીતે એમને પોતાની કવિતા કદી સઁભળાવી ન હોતી.ઉર્દુ ગઝલના માયાર_ધોરણની ચર્ચા કરે.
ભારે વિનોદી.ગઁભીર વાતો તો કરે પણ હળવી વાતો એમને વધારે પસઁદ.એ માણસ મૂળે હતાજ આનઁદી.!એમની ગઝલો સાહિત્યિક ધોરણની રહેતી.મુશાયેરાની ગઝલ કરતાઁ એમની સ્વતંત્ર ગઝલો વિશિષ્ટ રહેતી.એક અખઁદ ભાવસૂર ,પ્રાસંગિકતા એમને સ્પર્શે ગઝલને પ્રાસંગિકતાથી દૂર રાખે,એવી ગઝલની ટીકાયે કરે.એક સમયે ‘સીરતી’ની તો રંગુનની વોલસ્ટ્રીટ કહેવાતી’સુરતી બજાર’માઁ એક મિલ્કત અને દુકાન હતી એટલે એમની આર્થિક હાલત ઘણી સારી હતી.
બરમાના વિખ્યાત મોલમીનના લાકડાની બનેલી ‘સીરતી’ની વિશાળ હવેલી મેઁ જોઈ, ત્યારે એ કુટુઁબ બર્મા ખાતેની મિલ્કત, વેપાર અને આવક ગુમાવી બેઠેલુઁ હતુઁ.અને હવેલીની મરમ્મત માટે યે એમની પાઁસે કશી જોગવાઈ નહોતી.
એમની પાંસેથી શ્રી રમણલાલ વસંતલાલ દેસાઈનાઁ સંસ્મરણો વારઁવાર સાંભળવા મળતા.કઠોર ગાયકવાડી કસબો હતુઁ.સ્વ.દેસાઈ સુબા તરીકે ત્યાઁ આવ્યા ત્યારે એમનો પરિચય કઠોરવાસીઓને થયેલો.કેટલાકનો પરિચય તો ગાઢ પણ થયેલો.
એક વારના એ સુખી માણસે પાછલી જિઁદગી ખેડૂત અને પશુપાલક તરીકે ગાળી.લહેરી,ખર્ચાળ સ્વભાવને કારણે હાથ ભીડમાઁ હોય તોયે પહાડમાઁ પાટુઁ મારે એવો એ મરદનો હાથ કદી ખર્ચના ભયે ખેઁચાયેલો રહ્યો નહીઁ.એક ‘ઈકબાલ ગ્રંથાવલિ ‘ચલાવતા. સીરતીને ખેતીની આવક સિવાય બીજી આવકતો ઉર્દુના ધાર્મિક સાહિત્યના અનુવાદોની. છેલ્લેતો તેઓ બીજાઓ દ્વારા ,બીજી સંસ્થાઓ દ્વારા ચાલતા સામયિકો આખા અનુવાદ કરી ભરી આપે! ઉર્દુ ભાષાનો અભ્યાસ અને શોખ એમને પાછલી જિન્દગીમાઁ સાઈડ આવક તરીકે ખપ લાગ્યો.એક ખેડૂત એક શાયર ,એક અદબી સાહિત્યકાર માણસ એવાઁ એમના અનેક રૂપ હતાઁ.કોઇ એક રૂપનો સામાજિકા રૂપનો આગ્રહ નહીઁ,જ્યારે જે કામ કરતા હોય તે રૂપ એમને મંજુર. !
લૂંગી અને કફનીમાઁ હાથમાઁ દાતરડુઁ લઈને સીમ કે ખેતરથી આવતા એ માણસને જૂઓ તો લાગે નહીઁ કે આ માણસ શાયર હશે.! બીજા વિશ્વયુધ્ધ પછીનો જીવનસંઘર્ષ એમને ખેતરોમાઁ અને ઘાસિયામાઁ લઈ ગયો. : એમની સઁવેદના કેવી જીવંત હતી તેનુઁ એક ઉદાહરણ : ખોડાઁ ઢોરોની સંસ્થાને ઘાસ પૂરુઁ પાડે.કહે કે સસ્તાઈ હતી ત્યારે ઢોર દીઠ ખર્ચ નક્કી કરેલો તેજ દર ખર્ચ આજે ચાલે છે.
ઢોર ભૂખ્યાઁ ન રહે તે સિવાય બીજુઁ શુઁ થાય ?એ મોજીલો અલગારી દેખાતો જીવ ‘વિચારશીલ’સઁવેદનશીલ પણ હતો. માત્ર કદી એને દેખાડો નહીઁ એટલુઁજ.વિચારે રાષ્ટ્રીય કટ્ટરતા જરાયે નહીઁ.
તેઓ તો ખિલાફત ચળવલના રંગે પણ રંગાયેલા હતા.અને સુખના દિવસો હતા ત્યારે એ જુવાન ખિલાફતચળવળનો સૈનિક પણ હતો. એ સમયની એમની છ્બી મૌલાના મોહઁમદઅલીના અનુયાયીની યાદ તાજી કરાવે એવી.
સુખના દિવસોમાઁ એ યુવાને ક.મા.મુન્શી,ધૂમકેતુ,મેઘાણી આદિ લોકોનુઁ સાહિત્ય વાઁચી નાઁખેલુઁ.ને ત્યારથી તે ઠેઠ એમના અવસાનના છેલ્લા તબક્કા સુધી ,એમની બર્મિઝ થેલી માઁથી એક-બે-અદબી મેગેઝીનો તો નીકળેજ.
પાકિસ્તાનમાઁ એક વાર ઈંડો-પાકિસ્તાની મુશાયેરો યોજાયેલો-તેમાઁ પણ એમને આમંત્રણ મળેલુઁ,અને તેમા ભાગ લીધેલો.
બહુ લાઁબુ શાયરજીવન, પણ એમનો એક કાવ્ય સંગ્રહ પ્રગટ થયો નહીઁ. કહેતા કે ,’મારા મર્યા પછી પ્રગટ કરવો હોય તો પ્રગટ કરજે!,કીર્તિનો લોભ નહીઁ તેમ સઁગ્રહવ્રુત્તિ પણ નહીઁ,ક્યાઁ ખેતી ,ક્યાઁ ઢોર પાલન,ક્યાઁ પુસ્તકોનો શોખ,કયાઁ ઈકબાલ ગ્રંથાવલિ,ક્યાઁ ‘કિતાબ’માસિકના એ સંચાલક ,કયાઁ ધાર્મિક માસિકોના લેખક, કેટલુઁ વિવિધરંગી એ જીવન હતુઁ.
આવો અલગારી માણસ ,માત્ર સ્મ્રુતિમાઁ જીવેછે.

22-11-1992

તઝ્મીન

અય હકીમો જાવ, દુનિયામાઁ દવા મારી નથી
.હુઁ ઈશ્કનો બીમાર છુઁ ,બીજી કઁઈ બીમારી નથી
*સીરતી

છે મને વરસોથી આ તકલીફ ,અણધારી નથી.
થઈ ગઈ રોજિન્દી ઘટના એટલે ભારી નથી.
દિલ વિના મે કોઇનીયે વાત ગણકારી નથી.

અય હકીમો જાવ, દુનિયામાઁ દવા મારી નથી.
હુઁ ઈશ્કનો બીમાર છુઁ ,બીજી કઁઈ બીમારી નથી

તઝ્મીન:_સૈયદ ‘રાઝ’ નવસારવી.

કોઈ સસ્તી કીર્તિ પાછળ એ કદી દોડ્યો નહીઁ,
શાયરીમાઁ ,‘સીરતી’ની ભવ્યતા અણનમ રહી.
*સીરતી

શાયરીમા સાથ ઊસુલો તણો છોડયો નહીઁ.
નેખુમારી ને ખુદીનો જામ પણ તોડયો નહીઁ.
જીઁદગીના ભવ્ય દર્પણ ને કદી ફોડયો નહીઁ

કોઈ સસ્તી કીર્તિ પાછળ એ કદી દોડ્યો નહીઁ,
શાયરીમાઁ ‘સીરતી’ની ભવ્યતા અણનમ રહી.
તઝ્મીન: *વફા

મને ઓ પ્રેમ ! પાંખો આપ સત્વર ઉડ્ડયન માટે.
અહીઁ દિલની ધરા તૈયાર બેઠી છે ગગન માટે.

*સીરતી

હવે તો આંખ પણ છે ગઈ રહી શાયદ જલન માટે.
બધા દરિયા હવે ખાંગા અહીઁ અગ્નિ શમન માટે.
તમે વિઘ્નો તો ન નાંખો અમારા આ મિલન માટે

મને ઓ પ્રેમ ! પાંખો આપ સત્વર ઉડ્ડયન માટે.
અહીઁ દિલની ધરા તૈયાર બેઠી છે ગગન માટે.

તઝ્મીન:*વફા

એ તડ્પ _મુહમ્મદઅલી ભૈડુ’વફા’

ગઝલ

એતડપ હૈયાઁ તણી છે ,કોઈ બીમારી નથી.
એઅલગ છે વાત કે દુનિયાએ ગણકારી નથી.

.આંખમા ચોંટી ગઈ એ નીકળી હૈયા થકી,
હા હવે તો છૂટ્વાની કોઇપણ બારી નથી.

જીઁદગીના કાફલા લુઁટાયા તારા ગામમા,
તે છતાઁ કહેછે બધાઁ વાત અણધારી નથી.

તુઁ તબીબ મિથ્યા પ્રયાસો છોડી દે નિદાનના,
વેદના જુની થઈ ગઇ એટ્લે ભારી નથી.

અય હકીમો જાવ, દુનિયામાઁ દવા મારી નથી.
હુઁ ઈશ્કનો બીમાર છુઁ ,બીજી કઁઈ બીમારી નથી

_મુહમ્મદઅલી ભૈડુ’વફા’

દીપક બારડોલીકર

2006-12-25T14:51:00.000-08:00

ગુજરાતી ભાષાના આ જાણીતા કવિ,લેખક ને પત્રકારનુઁ મુળ નામ મુસાજી ઈસપજી હાફેસજી.જન્મ 1925 માઁ બારડોલીના એક સુન્ની વહોરા કુટુઁબમાઁ.વિદ્યા અભ્યાસ દર્મિયાન વ્યાયામવીર અને ચિત્રકાર બનવાના પ્રયાસો સહિત આઝાદી આઁદોલનમાઁ ભાગ લીધો..કોઁગ્રેસ સેવા દળ અને પછી મુસ્લીમ લીગ નેશનલ ગાર્ડસમાઁ યુવકોને કેળવ્યા. 1948માઁ ગાઁધીજીની હત્યા પ્રસંગે મુઁબઈ ઈલાકાના મુસ્લિમ લીગ નેશનલ ગારડસના અધિકારીઓની ગિરફતારી થતાઁ જેલવાસ ભોગવી(લેવાદેવા વગર-વફા)પાકિસ્તાન આવ્યા.સાત વર્ષ વિદ્ય દાન કરી પુન: બારડોલી ગયા.61 માઁ અદાલતના ચુકાદા વિરુધ્ધ દેશ નિકાલ થયા.64થી પત્રકાર બન્યા..1977 માઁ પત્રકારિત્વની આઝાદી ખાતર જેલવાસ ભોગવ્યો.વર્સો સુધી કરાઁચીમાઁ દૈનિક ‘ડોન-ગુજરાતી’માઁ સિનિયર સબ એડિટરની હેસિયત થી સેવા બજાવી. હાલમાઁ બાળકો સાથે વોલસોલ,ઈઁગ્લેઁડ માઁ રહેછે.
પ્રકાશનો::પરિવેશ,આબેકવસર,વાટના દીવા, સુન્ની વહોરા,મેઘ ધનુષ-1,મોસમ,મેઘધનુષ-2, સિરાતે હરમ,ગુલમહોરના ઘૂઁટ,વિશ્વાસ,આમંત્રણ,તલબ

સમ્પાદનો:સ્મ્રુટિકા,વાઁછ્ટ

બસ અલ્લાહ*દીપક બારડોલીકર

હમ્દ(સ્તુતિ કાવ્ય)

સૃષ્ટિ નો કિરતાર બસ અલ્લાહ છે.
શ્રેષ્ઠ સર્જનહાર બસ અલ્લાહ છે.

છે નિરંતર મોહ એની મે’રનો,
સાચો અનરાધાર બસ અલ્લાહ છે.

દર્દનો દીવો સળગતો રાખજો
આપણો દિલદાર બસ અલ્લાહ છે.
હોય ‘ગાલિબ’ની કે ‘દીપક’ની ગઝલ
સર્વનો શણગાર બસ અલ્લાહ છે.

*દીપક બારડોલીકર(સિરાતે હરમ-12)
માંચેસ્ટર(યુ.કે.)-,93

એમની ના,ત અને ઉપરોકત સઁપુર્ણ કાવ્ય માટે જૂઓ
http://bazmewafa.blogspot.com/

તઝમીને_હબીબ

2006-12-24T14:02:00.000-08:00

ઊઠો આ રાતને પણ પ્રાતને પાઁસે લઈ જઈએ.
પ્રતીક્ષા ક્યાઁ સુધી કરવી કે સુર્યોદય થવાનોછે.

____મસ્તહબીબ સારોદી

ચલો આ આઁગળીને સાજ ની પાઁસે લઈ જઈએ.
ઉઠાવીને સુરાલય પ્યાસની પાઁસે લઈ જઈએ.
નિરાશાની ઘટાઓ આશની પાઁસે લઈ જઈએ.

ઊઠો આ રાતને પણ પ્રાતનની પાઁસે લઈ જઈએ.
પ્રતીક્ષા ક્યાઁ સુધી કરવી કે સુર્યોદય થવાનો

__________મોહમ્મદઅલી .વફા,

સ્વપ્નુઁ કે તર્ક છે જગત કોણ માનશે?
મોજુદ છે હરેક હકીકત ચિતાર થઈ

____ મસ્તહબીબ સારોદી

ફૂલો થઇ ગયાઁછે સખત કોણ માનશે?
દિલમાઁ યે હતુઁ તારુઁ કપટ કોણ માનશે?
તારો યે હતો એક વખત કોણ માનશે?

સ્વપ્નુઁ કે તર્ક છે જગત કોણ માનશે?
મોજુદ છે હરેક હકીકત ચિતાર થઈ

__________મોહમ્મદઅલી .વફા,

પ્રેમની જ્યા,રે ખુમારી, હદ વટાવી, જાય છે.
તંગ કરનાઓ પોતે તંગ આવી જાયછે

____ મસ્તહબીબ સારોદી

ઈશ્કની આખર બીમારી રંગ જમાવી જાયછે.
દીપક ઉપર જો પતંગા જાઁ ગુમાવી જાયછે
સુરજ સવારે રાતની ઝૂલ્ફો હટાવી જાયછે.

પ્રેમની જ્યા,રે ખુમારી, હદ વટાવી, જાય છે.
તંગ કરનાઓ પોતે તંગ આવી જાયછે

__________મોહમ્મદઅલી .વફા,

‘મસ્ત હબીબ,સારોદી
નામ:હસન મુસા પટેલ
જન્મ તારીખ: 25મે1912
વતન:સારોદ જિ:ભરુચ
ઈંતેકાલની તારીખ:11મે1972 સમય ગુરૂવાર બપોરે11.45 કલાકે સુરત મુકામે.
પ્રકાશનો:
(1)મસ્તી(1965)
(2)તુલસી ઈસ સંસારમે(મુલ્લાઁ રમુજીના તખલ્લુસથી લખેલ વ્યંગ-કવનો)
(3)મોજ-મસ્તી(સઁપાદન: ‘મસ્ત’ મઁગેરા તંત્રી:વહોરા સમાચાર માસિક-સુરત નિવૃત આચાર્ય ,આલીપુર હાઈસ્કૂલ જિ.નવસારીઅને ‘જય’નાયક,નવસારી)
એક પ્રખર શાયર,વિવેચક,વ્યંગકાર,પીઁગળ શાસ્ત્રના વિદ્વાન અભ્યાસી,મૂળભુત ઉર્દુ શાયેર.મહાગુજરાત ગઝલ મઁડળના રૂહે રવાઁ.શ્રી નિસાર અહમદ શેખ(શેખ ચલ્લી),સીરતી,રતિલાલ’અનિલ’અને જ.આઈ.ડી.બેકાર રાઁદેરી(તંત્રી,ઈંસાન),બેબાક રાઁદેરી ના સફરના સાથી.ગુજરાતી શાયરીમાઁ એમણે ઘણા શિષ્યો આપ્યા છે. રાઝ નવસારવી,અદમ ટંકારવી,મસ્ત મઁગેરા વિ.મેઁ નાચીઝે પણ એમની પાઁસેથી દીક્ષા લીધી છે.1965 થી 1972 એમના નિધન સુધી મારી મોટા ભાગની રચનાઓની ઈસ્લાહ એમની પાઁસે લીધી છે.સ્વભાવે મ્રુદુ હતા,પણ ખુદ્દારી એમનો સ્વભાવ હતો. આખી જીઁદગી સુરત મા એક શિક્ષકઅને આચાર્ય તરીકે ગુજારી.શ્રી ગની દહીઁ વાલા ને શ્રી ઊમાશઁકર જોષી એ ગુજરાત નુઁ ‘ગઝલ બુલબુલ’ કહ્યુઁ ત્યારે સાહિત્યિક વળતુળમાઁ થોડો ઉહાપો થયો.’ગઝલનો કાગડો,કહી કેટલાકે વ્યઁગ કર્યો.અને શ્રી રતિલાલ’અનિલ’અને ‘મસ્ત હબીબે ‘ઉમાશઁકર જોશીની ખાસ્સી ખબર લીધી.ગનીભાઈઅને ઉમાશઁકર ભાઈ પર ગઝલને (નઝમિયાત) પરત્વે ‘અનિલ’ શેખચલ્લી,અની મસ્તહબીબ સારોદી સા.નો એક ધાક રહ્યો.
એમના તમામ લેખો,વિવેચનો,અને બીજાઁ કાવ્યો મળી આવે અને કોઈ જમા કરે તો બીજા બે ,ત્રણ સારા ગ્રઁથો પ્રકાશમાઁ આવી શકે.
સમય મળતાઁ એમના જીવન પર એક લેખ માળા ,બઝમે વફા,માઁ આપવા ઈરાદો ધરાવુઁ છુઁ.
એમના થોડા શેર સાથે વિરમુઁ છુઁ.
(1)મસ્ત એ પોતે વિચારોની ખુમારીમાઁ હતો,
એટલે મયખાનુઁ એ ત્યાગી ગયો પીધા વગર.
(2)મને અલ્લહને સોઁપી જનારા આટલુઁ સાઁભળ,
હુઁ એક ઈંન્સાન છુઁ,ઈંન્સાનની મારે જરુરત છે.
(3)કરતુઁ નથી અધર્મનો કોઈ મુકાબલો,
જાણે હજીયે કોઈ પયગમ્બર છે આવનાર
આદરિણય રતિલાલ’અનિલ’ના શબ્દોમાઁ ‘મસ્ત હબીબ ની ઉર્દુ શાયરી તો એમની ડાયરી સાથે ગઈ, પણ અહીઁ એમનો એક શે’ર સાઁભરેછે.
(3)હકીકત મેઁ હો તુમ દુનિયાસે અચ્છે,
હકીકતમેઁ મગર દુનિયાહી કયા હૈ?

* મોહમ્મદઅલી,વફા,(25ડીસે.2006)

કવિતાનો જન્મ_સુન્દરમ

2006-12-20T20:01:00.000-08:00

મુશાયરો એ કવિતાનુઁ બજાર છે.ત્યાઁ બહારથી ઊગેલો અને તૈયાર થઈ આવેલો માલ રજૂ કરાય છે.તેની ત્યાઁ યોગ્ય કદર થાય છે.પ્રશંસા થાય છે,કસોટી થાય છે.પણ ત્યાઁ તે માલ તો ઉગી શકતો નથીજ.કવિતાનો જન્મ કઈ રીતે થાયછે એ સમજાવવુઁ જરા મુશ્કેલ છે.પણ કઈ રીતે નથી થતો એ સ્પષ્ટ વાત છે.ઉચ્ચ કવિતા કદી બહારની માંગણીથી જન્મતી નથી,અરે! ખુદ કવિની પોતાની ઈચ્છાથી પણ તે જન્મતી નથી.જેણે કવિતાની પ્રેરણા ઝીલી હશે તેના માટે આ વાત સમજવી સહેલી છે.એતો એનુઁ અંત:કરણ અથવા તેની ગૂઢ સર્જન શકિત જયારે સળવળે છે,જાગેછે,ક્ષોભ પામે કે ,પ્રફુલ્લિત બને છે,ત્યારે છલકાઈ પડે છે. સાચી કવિતા આવી રીતે લખાય છે .એ સિવયના લખાણો કેવળ પદ્ય હોય છે. પછી ભલેને મહાકવિએ કેમ ન લખ્યાઁ હોય.?અને જેટ્લુઁ પદ્યમાઁ _છઁદમાઁ લખાયુઁ એ કવિતા છે, એવી દલપતશાહી કાવ્ય ભાવના આજે તો હવે કોઈ ધરાવતુઁ નથી.
_સુન્દરમ
વધુ માટે જૂઓ
http://bazmewafa.blogspot.com/

*

તૃષા*મોહઁમદઅલી ભૈડુ ‘વફા”

2006-12-19T18:34:00.000-08:00

ગઝલ

વ્યાકુળ કંઠે તીવ્ર થઇ શેકાય છે તૃષા,
કઁઇ ઘૂઁટડા એ વેદના પીજાયછે તૃષા

ત્રુષિત હ્રદયની આંખમાઁ છઁટ્કાયછે તૃષા.
રણમાઁ જતાઁ એ ઝાંઝવે ઉભરાયછે તૃષા.

એહો હરણનાઁ કઁઠમાઁ ,ચાતક તણી આંખે,
અંગાર થઇને બેઉ માઁ વેરાયછે તૃષા

પ્રતીક્ષા તણી નાજુક કળીઓ ની બખોલમાઁ,
મોતી મહેકના શોધતી પડઘાયછે તૃષા

આ વિરહ રાતે , મુજ ખૂનના કાંઠે વહી જઇને,
હૈયા તણા આ જામમા ઘૂઁટાયછે તૃષા.

વરસો સતત મેહુલથઇ મારા’વફા’ દ્વારે,
બેચાર બુઁદ માઁ કયાઁ ‘વફા’ છીપાયછે તૃષા
*મોહમ્મદ અલી ભૈડુ,વફા,
(1967)

લોકો_મોહમ્મદઅલી’વફા ગઝલ

2006-12-18T18:25:00.000-08:00

ગઝલ

પાષાણ કૂ,ખે ભરાયા છે લોકો.
નિજના અહમમાઁ હણાયા છે લોકો.

શોધી રહ્યો છુઁ મળે આત્મ જન કો,
મુલ્કો પરાયા , પરાયા છે લોકો

ચાખે કદી ના ધરો જો કો અમ્રુત,
પીને હલાહલ ધરાયા છે લોકો .

ન અશ્રુ નયન માઁ ન હૈયે મ્રુદુતા ,
ફ્કત હાડ માઁસે ચણાયા છે લોકો.

હૈયા તણા મીઠાઁ ઝરણોને છોડી,
વફા ઝાંઝવા માઁ તણાયા છે લોકો.

_મોહમ્મદઅલી’વફા’(25નવે.2004)

છૂટી જવુઁ._મોહમ્મદ અલી ભૈડુ,વફા,

2006-12-17T21:24:00.000-08:00

ગઝલ

હાથથી એ જામનુઁ છૂટીજવુઁ.
ને હ્રદયની સુરાહીનુઁ ફૂટી જવુઁ.

વાળ આંખો માઁ કોઈ આવી ગયો,
લાગણીના તારનુઁ તૂટી જવુઁ .

ત્રીશઁકુ થઇ મંઝિલ બધી તરફડી,
ધૈર્યની થોડી હવા નુઁ ખૂઁટી જવુઁ.

કેસુડાના રંગ ફીક્કા થઇગયા ,
ભર વસંતે એમનુઁ રૂઠી જવુઁ.

વેદનાની ચાન્દની વરસી પડી,
કંટકોનુ આભમા ખૂઁપી જવુઁ.

_ મોહમ્મદ અલી ભૈડુ,વફા,

શએરનો ધર્મ _મસ્ત”હબીબ”સારોદી(મસ્તી)

2006-12-16T15:54:00.000-08:00

વોહ શએર કે પયગામે હયાતે અબદી હય.
યા નગ્મએ જિબ્રિલ હય બાંગે શરાફિલ.
_ ઈકબાલ.

શાશ્વત જીવનના સનાતન અસ્તિત્વનો પયગામ આપે તે શેર:એમાઁ અલ્લાહનો પયગામ માનવ સુધી પહોઁચાડનાર ફરિશ્તા જિબ્રઈલ નુઁ ગીત હોય કે , પછી કયામતનો સૂર ફૂંકનાર ફરિશતા ઈસ્રાફીલનુઁ આહવાન હોય ,સારાંશ કે જેમાઁ કાઁઈ ઈશ્વરી આદેશ હોય અથવા ખોટા મૂલ્યોનુઁ ખંડન કરવનુઁ સામર્થ્ય હોય.

શએર સબન્ધી ઉપરોકત દર્ષ્ટિબિન્દુનુઁ અનુસરણ કરવાનો મેઁ આગ્રહ રાખ્યો છે.ગઝને હુઁ કેટલો વફાદર રહ્યો છુઁ એ નિર્ણય તો પાઠકોએ કરવો ઘટે..અલબત્ત એટલુઁ વિસ્વાસ પૂર્વજક કહી શકુઁ છુઁ કે ¬

વોહ બુલહવસ કે જિન્હેઁ જુર્અતે ગુનાહ નહીઁ.
ગઝલ મેઁ ઢુઁઢતે હઁય વો ઈલાજે તિશના લબી

ઉપરોકત શેરમાઁ નિર્દિષ્ટ કામી પુરૂષની ત્રુષ્ણાને સંતોષે એવુઁ તત્વ મારી ગઝલમાઁ નથી.મારે જે કઁઈ કહેવાનુઁ હતુઁ તે મેઁ મારી રીતે કહ્યુઁ છે. એમ કરવામાઁ હુમ જીવનથી વિમુખ રહ્યો નથી એટલો મને એટલો મને આત્મ સંતોષ છે.
_મસ્ત”હબીબ”સારોદી(મસ્તી)
12-7-1965
For more updates go to

http://bazmewafa.blogspot.com/

http://www.shayri.com/forums/showthread.php?t=43607&page=5

માની ગયા. *મોહમ્મદઅલી ભૈડુ,વફા

2006-12-14T20:08:00.000-08:00

ગઝલ

એતો જુઓ પલવારમા માની ગયા.
ખોલી જરા બારી અને આવી ગયાઁ.

તમેતો નથી સૂરજતણા કિરણો સમા
હૈયુઁ અમારુઁ કેમ ઊઠાવી ગયાઁ.

ફરિયાદ કંટકોની હવે શી કામની,
ઊગી જશે જે કઁઇ તમે વાવી ગયાઁ.

અઁગાર હાથોમા લઈ ફરતો રહ્યો,
દોસ્તો કહેછે કે તમે ફાવી ગયા.

મળ્યાઁ ફળો આઝાદ થઇ અમને ઘણા
આ રાજકીય શ્વાનો બધુઁ ચાવી ગયાઁ.

*મોહમ્મદઅલી ભૈડુ,વફા,

14ડીસે.20006

છે વાર્તા*મોહમ્મદઅલી ભૈડુ,વફા’

2006-12-11T13:40:00.000-08:00

ગઝલ

સાકી સુરા ને જામની છે વાર્તા.
બેકસ અને બદનામની છે વાર્તા.

લો સૂરજ ઉગતાઁ શરૂ આ થઇ ગઇ,
દિન રાત ને સુબ્હ શામની છે વાર્તા

દીપક પતંગા નુ મિલન જોઇ લો,
મહોબ્બત ના અંજામની છે વાર્તા.

લયલા અને મજ્નુ શીરી ફરહાદ ની,
મહોબ્બત મા નાકામની છે વાર્તા.

ચાલો ‘વફા’હૈયા મહીઁ સંઘરી લો,
ભીઁજાયલી એક શામ ની છે વાર્તા.

*મોહમ્મદઅલી ભૈડુ,વફા’
(1_4_1967)

શબ્દોનો ધામો કરવો છે._મોહમ્મદ અલી ભૈડુ’વફા”

2006-12-04T15:45:00.000-08:00

ગઝલ

ડુઁગરાઓ જરા ઘેરાય ,વળો મારે વિસામો કરવો છે.
ઘટાઓ ને અહીઁ રોકો જરા મારે વિરામો કરવો છે.

સુરજ કાપી વહેઁચો તો ખરા ઘર ગામ ગલીને મુલ્કોમાઁ,
નથી દેતો બધે ઓજસ જરા એને નકમો કરવો છે.

ઉડાવી છેદ દેવો છે સુરા સાકી ને આ મયકશ નો
બધાને જામ જે મળતો નથી તે જામ નકામો કરવો છે.

કહીદો ચૂપકીદી ને જરા દૂરવસે ખંડેરો પર,
અહીઁ ડુઁગર જંગલ પાષાણે શબ્દોનો ધામો કરવો છે.

’વફા,જંગલ , અનેવસ્તી, મહીઁ એનામ લઇને ઘૂમુઁ છુઁ,
નનામી આહ ભરવી છે ,અને બસ પ્યાર નનામો કરવો છે.

_ મોહમ્મદ અલી ભૈડુ’વફા”
(18નવે.2004)
For more up dates pl.click

http://bagewafa.blogspot.com/

http://bazmewafa.blogspot.com/

http://www.shayri.com/forums/showthread.php?t=43607&page=5

ફરેછે._મોહમ્મદ અલી ભૈડુ’વફા’

2006-12-03T20:34:00.000-08:00

ગઝલ

ઘણા ડાહ્યા લોકો શહરમાઁ ફરેછે.
લઈપાષાણ હાથે નગરમ ફરેછે.

મળી જો જાય શાયદ મજનુનુઁ માથુઁ
સતત એ લગનમાઁ ને ફિકરમાઁ ફરેછે.

પ્રિય જનનાઁ ચક્ષુની ભીનાશ આછી,
હવે મોતીઓ થઇ નજરમાઁ ફરેછે.

ટકોરો એક દીધો પ્રશ્નોની આંખે,
જવાબોના ઝાંઝર અધરમાઁ ફરેછે.

બિચારો રદીફ આ ઉભો થાઁભલો થઇ ,
અને આ કાફિયાઓ સફરમાઁ ફરેછે.

રમે હાથોમાઁ શુષ્ક પર્ણોની યાદી,
’વફા,મ્હેક ફૂલોની કબરમાઁ ફરેછે.

._મોહમ્મદ અલી ભૈડુ’વફા’

26ડીસે.2004

Very nice gazal......

બિચારો રદીફ આ ઉભો થાઁભલો થઇ ,
અને આ કાફિયાઓ સફરમાઁ ફરેછે.

I liked this sher very much!!!
From: UrmiSaagar

થામ લે સાકી*અલ્લામા ઈકબાલ

2006-12-01T15:58:00.000-08:00

નશા પીલાકે ગીરાના તો સબકો આતા હૈ.
મઝા તો જબ હૈ કી ગીરતે કો થામ લે સાકી.

જો બાદાકશ થે પુરાને વો ઉઠતે જાતેઁ હૈ,
કહીંસે આબે બકાએ દવામ લે સાકી.

કટી હૈ રાત તો હંગામએ ગુસ્તરીમેઁ તેરી
સહર કરીબ હૈ અલ્લહકા નામ લે સાકી

*અલ્લામા ઈકબાલ

બાદાકશ=પીનારા આબે બકાએ દવામ=અમ્રુત જળ(હમેશા બાકી રહેવાળુઁ જળ)સહર=ઊષા, હંગામએ ગુસ્તરીમેઁ =ફેલાવનારો અરૂચિકર પ્રયાસ

For more updates click pl.

http://bazmewafa.blogspot.com/

http://www.shayri.com/forums/showthread.php?t=43607&page=5

સંગીન છે સાકી *મોહમ્મદઅલી ભૈડુ’વફા’

2006-11-29T21:16:00.000-08:00

ગુનો તો આપણો પણ આ ઘણો સંગીન છે સાકી.
જરા દ્રષ્ટિ તોકર રાત પણ રંગીન છે સાકી.

સુરાલયના બધા દ્વારો ને જરા તુ બન્ધ નહીઁ કરતો,
તરસ્યાની બધી તરસો ઘણી સાકીન છે સાકી.

નજર હો કે ભર્યો સાગર અહીઁ બન્ને બરાબરછે,
ભલેને શેખજી કહેતા હો કે બેદીન છે સાકી.

અહીઁ પીવાનુ કારણકયાઁ?અમે તોબા કરી પીશુઁ,
‘વફા’ નુ આમ તો બહુ ચોખ્ખુઁ બાતીન છે સાકી.
*મોહમ્મદઅલી ભૈડુ’વફા’
28નવે.2006
For more sakinama pl.click.

http://bazmewafa.blogspot.com/

સર્જનની પ્રક્રિયા

2006-11-28T19:34:00.000-08:00

“સર્જનની પ્રક્રિયા ખરેખર અગમ્ય છે..છતાઁ સર્જક પાંસે એ સર્જન પરત્વે સઁપુર્ણ સજ્જતા હોવી જરુરી છે.”* સુન્દરમ.
”ગઝલ એ એવો વિષયછે જે ઘણી સાધના માંગેછે.અને વિચારોમાઁ વૈવિધ્ય ઉપરાંત અર્થ ગંભીરતા પણ હોવી જોઇએ, એમ હુઁ માનુ છુઁ.આજ કાલ જે ગઝલો લખાયછે એમાઁ અર્થના ઊઁડાણ હોતાઁ નથી.ગઝલના પારિભાષિક શબ્દોનો ઉપયોગ કરવો, પણ તેનો અતિરેક ન હોવો જોઈએ.
*મસ્ત મંગેરા(તંત્રી,”વહોરા સમાચાર” સુરત)

ગઝલ એ ભાવની અભિવ્યક્તિનુઁ સરળ અને સચોટ સાધનછે,પરંતુ એની સરળતા જેમ પોષક તત્વછે,તેમ મારક તત્વ પણ છે.કેટલીયે વાર સરળતાની ઓથ લઈને કવિતા હાથતાળી દઈને છટકી જતી હોય છે. અને રહી જતો હોય છે કેવળ અર્થહીન શબ્દ ઘોંઘાટ.
*હરીન્દ્ર દવે

For more click pl.

http://bazmewafa.blogspot.com/

http://bagewafa.blogspot.com/

http://www.shayri.com/forums/showthread.php?t=43607&page=14

*** If you are not able to read Gujarati in this e-mail, please click ?view? menu at the top of your browser pageand go to ?Character encoding? & change to ?UTF-8 (unicode)?.***

Or open the pdf attachment.

મળુઁ*મોહમ્મદઅલી ભૈડુ”વફા”

2006-11-26T21:21:00.000-08:00

ખટકી રહી જે દિલમાઁ છે તે વાત લઈનેહુઁ મળુઁ,
આજીઁદગી ની આખરી સોગાત લઈનેહુઁ મળુઁ.

કોળો રહ્યો આ આપણો હૈયા તણો પાલવ.’વફા’
બાકી રહી છે આંખમા વરસાત લઈનેહુઁ મળુઁ.

*મોહમ્મદઅલી ભૈડુ”વફા”
27નવે.2006

ચરણ ઓળખે છે_ મોહઁમદ અલી ભૈડુ”વફા”

2006-11-15T21:25:00.000-08:00

બધી પગ દઁડીઓ ચરણ ઓળખે છે
બધા ઝાડો નુઁ બાળપણ, ઓળખે છે.

બતાવીને જળને ચરણને રમાડે,
રમત ઝાઝ્વાની હરણ ઓળખે છે.

કયા મ્હેલાતે છૂપાશો તમે જઇ
બધા આત્માને મરણ ઓળખે છે.

પહાડોથી સરકી મળ્યુ સાગરોને,
હ્રદય શૂન્ય કાઁઠા ઝરણ ઓળખે છે.

“વફા”તોએ ચાલ્યા અમે બે ફિકર થૈ,
તમારા આ કઁટક ચરણ ઓળખે છે.

મોહઁમદ અલી ભૈડુ”વફા”
20માર્ચ 2006.

લગાગાગા,ગાગાલગા,ગાલગાગા

Urdu channel

2006-11-07T20:37:00.000-08:00

તા.20-10-2006
મુકર્રમી વ મોહતરમી,
તસ્લીમો અદાબ.
’ઉર્દુ ચેનલ’ ઉર્દુ ઝબાન વ અદબ કા તરજુમાન એક દસ સાલા કદીમી રીસલા હૈ.
જીસકે અબતક કઈ ખસુસી નઁબર ભી શાયે હો ચુકે હૈઁ.મસલન,બાબરી મસ્જીદ નઁબર,મજરૂહ સુલતનપુરી નઁબર,નૈયર મસુદ નઁબર,એડ્વર્ડ સઈદ નઁબર,શમશુર્રેહમાન ફારૂકીનઁબર,મોહમ્મદ અલવી નઁબર વગૈરાહ.
મોહતર્મી,અપની રિવયતકો બરકરાર રખતે હુએ’ઉર્દુચેનલ’ને અપના આઈન્દાહ શુમાર્રહ(26નંવે.સેજંવરી2007)મશહૂર વ મુસ્તનદ જદીદ શાએર ‘આદિલ મંનસુરી”કે ફન વ શખશિયત પર ખસુસી નઁબરકી સકી સુરત શાએહ કરનેકા ફૈસલા કીયા હૈ.જૈસા કે આપ સબ જાનતે હૈઁ,
કે આદિલ મનસુરી ને ઉર્દુ ગઝલ કો એક નએ લબ વ લેહજેસે રોશનાશ કરાયા,
બલકે એક નોહ કી જુર્રાતે ઈઝહારકો જિલા ભી બખ્શીહૈ.’ઉર્દુ ચેનલ’કી યે ઈશાઅત આદિલ મનસુરી કી ઉન્હી ખીદમાત કે એતરાફકી છોટે સી કાવશ હૈ.
નેઝ તખલીક કાર ઔર મઝમુન નિગાર હઝરાતસે ઈલ્તએમાશ હૈ કી અપની તેહરીરેઁ 15 ડીસેઁબર 2006 તક જરૂર ઈરસાલ કરદેઁ.
ઈસ ખસુસી નઁબર કા એલાન શુદહ વકત પર શાયેહ કર સકેઁ.
કમર સીદ્દીકી
(મુદીર)
સાથ મે ‘ઉર્દુ ચેનલ.કા અસલ દાવતનામા ઔર એડ્રેસ ઈ-મેલ વ.હૈ.

શ્વાસ માઁ_(ગઝલ)_મોહમ્મદઅલી ભૈડુ,વફા,

2006-11-05T21:39:00.000-08:00

રેતી ખરી ગૈ બધી એકજ શ્વાસ માઁ
એકપણ બાજી નથી તારા હાથ મા.

છૂટી ગયેલુઁ તીર પાછુઁ નહીઁ આવે,
ના કર રમત તુઁ નિશાનાની સાથ માઁ.

ભરતો રહ્યો આહ જીન્દગી ભર હુઁ પછી,
આશુઁ કરી દીધુઁ તે પણ વાત વાત મા.

ખોવાયલુઁ સ્વપન છે સુરજના હાથ નુ
પાગલ બધા શોધતા એને રાતમા.

આવી અને પાનખર સાથે વહીગઇ,
બેસી રહ્યો હુઁ;વફા,ખૂશ્બુ ની આશ મા

_મોહમ્મદઅલી ભૈડુ,વફા,
6નવે.2006

શરમ તુમકો નહીઁ આતી_મોહમ્મદઅલી ભૈડુ,વફા,

2006-10-31T19:25:00.000-08:00

શરમ તુમકો નહીઁ આતી

મેરા શહર ડૂબા હુવા હૈ ગમ કે સમઁદર મે,
ઔર તુમ હો કે ઈદ કી ખુશીયાઁ મનાતે હો.

શરમ તુમકો નહીઁ આતી અરે ઝાલિમ જરાસીભી,
પરે મુર્દે ઘરોઁ પર હૈ ઔર તુમ રકસ રચાતે હો.

_મોહમ્મદઅલી ભૈડુ,વફા,

شرم تُم کو نہیں آتی

میرا شہر دُبآ ہے غم کے سمنرر مین
اور تُم ہو کے عید کی خُشیاَں اُڑاتے ہو

شرم تُم کو نہیں آتی ارے ظا لم ذراسی بہی
پڑے مُردے گہروں میں ہے تُم رقص رچا ٹے ہو

محمدعلی بھائدو’وفا’

વફા_મોહમ્મદઅલી ભૈડુ’વફા’

2006-10-31T18:14:00.000-08:00

મુકતક

વિધ્યા ખોટીકઈઁ ભણેલીછે વફા
નફરત ની દૂષિતા જ્ણેલીછે વફા.

આકાશે થાઁભલો કયાઁ એકેય ’વફા’?
ભીંતો તો આપણે ચણેલીછે વફા.

_મોહમ્મદઅલી ભૈડુ’વફા’

રઁગ _મોહમ્મદ અલી ભૈડુ’વફા’

2006-10-30T17:24:00.000-08:00

(ગઝલ)

આ કેમ સચવાયો નહીઁ એની અદાનો રંગ.
એની પસન્દની વાત છે લીધો હવાનો રંગ્

મેદી ની જયમ હાથથી એના ઉડી જાશે,
એ હાથમા હુઁ કયાઁ ધરુઁ મારી વફાનો રંગ.

અર્પી શકો મુજ્ને નહીઁ સાગર ના પયમાને,
સાકી અહીઁ નિરઁગ રહ્યો મારી સુરાનો રઁગ.

ચાલો હવે રઁગો થકી પર આપણે થઈએ,
તારી સુરાનો રઁગ એ મારી ત્રુષાનો રઁગ.

ફૂલો કળીઓ પાઁદડાઁ વેરાન થઈ જાશે,
દેખાય છે રંગીન તારી ખિઁઝાનો રંગ.

ઊડી જશે જયારે બધા બાગો થકી ભમરા ,
આવી જશે આ બાગમા મારી’વફા’નો રઁગ.
_મોહમ્મદ અલી ભૈડુ’વફા’

2ડીસે.2005

ધડકન બની ગઈ__મોહમ્મદ અલી ભૈડુ’વફા’

2006-10-26T22:26:00.000-07:00

ધડકન બની ગઈ__મોહમ્મદ અલી ભૈડુ’વફા’

સહરા તણી વેરાનીઓ ગુલશન બની ગઈ.
કાજળ ભરેલી રાત પણ રોશન બની ગઈ

આવ્યુઁ ખબર આગમનની લઈને કોઇ જયાઁ,
અસ્તિત્વની ત્યાઁ વાંસળી ધડ્કન બની ગઈ
.
કેવી હશે એ સાધના તે દીપની પ્રખર,
એકજ કિરણથી મહેફિલો રોશન બની ગઈ
.
આશા મિલનની આપી તેઁ ખોટી ખરી ભલે,
એતો જ ઇંતેઝારની સમર્થન બની ગઈ

મળ્યુઁ નહીઁ એકે કિરણ અમનેજ ભાગ્યમા ,
જોકે તમરી રાત તો રોશન બની ગઈ.

તોડી અમે જ્યાઁ શ્રુઁખલા અવરોધની ‘વફા’
કેડી નવી ત્યાઁ રાહમાઁ બઁધન બનીગઈ

__મોહમ્મદઅલી ભૈડુ’વફા’

11જુલાઈ1968 (ઈસ્માઈલી)

રાહ જૂએછે(ગઝલ)____મુહમ્મદઅલી ભૈડુ’વફા’

2006-10-25T20:04:00.000-07:00

રાહ જૂએછે(ગઝલ)____મુહમ્મદઅલી ભૈડુ’વફા’

ઉઠો સાગર તરી જાઓ કિનારા રાહ જૂએછે.
નજર મંઝિલ તરફ માંડો ઉતારા રાહ જૂએછે.

ઉઠો આકાશ ઘેરી લો તમે શ્રધ્ધા તણી પાંખે,
નિગાહોથી ગગન ભેદો સિતારા રાહ જૂએછે.

કળિની આંખ બેબસ છે તમારી રાહ ગુજર ઉપર,
ત્રુષા દ્રષ્ટિની અંતરના ધખારા રાહ જૂએછે.

છવાઈ ગઇ ઉદાસીછે મદિરાલય તણા દ્વારે,
સુરાહીથી ટપકતી મયની ધારા રાહ જૂએછે.

અને આ રાહમા વીતી જવાનુઁ આયખુઁ આખુ,
કદી દીદાર આપીદો નઝારા રાહ જૂએછે.

હ્ર્દય મંથનના પ્રશ્નોના કોઇ ઉત્તર હશે કે ના,
જવાબ આપો કે પ્રશ્ન પુછનારા રાહ જૂએછે.

રજા આવીને આપોતો સુખેથી એય કઁઈ પોઢે,
જગત પોઢી ગયુઁ કેવળ સિતાર રાહ જૂએછે.

‘વફા’ની રાહના કાજે ફનાની રાહના કાજે,
તમે આવો હ્રદયના અર્પનારા રાહ જૂએછે.

____મુહમ્મદઅલી ભૈડુ’વફા’

વલથાણ,સુરત 1967

સમય __મોહમ્મદઅલી ભૈડુ’વફા’

2006-10-23T21:23:00.000-07:00

સમય __મોહમ્મદઅલી ભૈડુ’વફા’

ઘડિયાળના કાંટા ઉપર ફેલાયલો સમય.
પ્રતિક્ષા તણી આખો મહીઁ રેલાયલો સમય.

રણમા રહી સદીઓ પછી એ રેત થઇ ગયો,
તે યાદના કો,કાફ્લે વીઁટળાયલો સમય.

__મોહમ્મદઅલી ભૈડુ’વફા’
બ્રામ્પટન,કેનેડા 23અઓકટો.2006

વધુ માટે જુઓ:
www.bazmewafa.blogpost.com/

દીવાના ને મળો_મુહમ્મદઅલી ભૈડુ’વફા’

2006-09-13T21:03:00.000-07:00

દીવાના ને મળો_મુહમ્મદઅલી ભૈડુ’વફા’

ન ડાહ્યાને મળો દાના ને મળો.
સમજવા ભેદ દીવાના ને મળો.

થશે તકલીફનો સામાન પણ ઉભો,
જિન્દગીના કોઈ બહાના ને મળો.

ન મળશે ધૂળ પણ ચપટી દ્વાર પર
લાખ કાળુની ખજાના ને મળો.

હોય ખણવી ઝાંઝવા ની વેદના
મ્રુગને મળો રણના વિરાનાને મળો.

દરદ નો પ્યાલો અધુરો હોયતો.
જાઓ’વફા’ જઈ જમાના ને મળો.

1972____ મુહમ્મદઅલી ભૈડુ’વફા’

લગાગાગા,લગાગાગા,ગાલગા

યાદોના અબીલ ગુલાલ._ મુહમ્મદ અલી ભૈડુ’વફા’ .

2006-09-12T16:47:00.000-07:00

યાદોના અબીલ ગુલાલ._ મુહમ્મદ અલી ભૈડુ’વફા’

કઈરીતના એ પામતે રૂપનો કમાલ્
આંખો બની ગઈ છે જુઓ દિલનો દલાલ.

એમા જવાબોની કોઈગુઁજાયેશ નથી
મહોબ્બત ના દરબારે કરોના સવાલ.

પાનખરમા પણ આ હ્ર્દય મસ્તીમા છે,
ઉડી રહયાઁ છે યાદોના અબીલ ગુલાલ. .

રસ્તો અમે તો રાતમા શોધી લીધો,
શ્રધ્ધાની જલતી રહી હૈયે મશાલ.

સૌઁદર્યની મહેકતી કળીઓ અસીમ
કેવો હશે સાચે ખુદા તારો જમાલ.

દામન ‘વફા, કઁઈ આપણો જ્તંગ હતો
ફૂલોતણી ઝોળી હતી કઁઈ બે મિસાલ.

_________મુહમ્મદઅલી ભૈડુ’વફા’

11સપ્ટે.2006
છન્દ:ગાગાલગા,ગાગાલગા,ગાગાલગા
વધુ માટે કલીક કરો:

http://bazmewafa.blogspot.com/

http://sarjansahiyaaru.wordpress.com/

એ વાતમાં શું માલ છે?’_____મુહમ્મદઅલી ભૈડુ’વફા’

2006-09-09T14:45:00.000-07:00

એ વાતમાં શું માલ છે?’

બે ચાર ફૂલો લઈફરુઁ એ વાતમાં શું માલ છે?’
હુઁ બાગબાઁ થી પણ ડરુઁ એ વાતમાં શું માલ છે?’

પાલવ ભરી આપી દઊઁ જેછે હ્રદય ના ખોબલે,
મિથ્યા બધાઁ સ્મિત ધરુઁ એ વાતમાં શું માલ છે?’

તારા તગાફુલથી મને તુઁ રોકવા કોશિશ ન કર,
મારા કદમ પાછા ભરુઁ એ વાતમાં શું માલ છે?’

રણ ને નિચોડવાની કયાઁ ઝીદ લઈ બેઠાઁ તમે
હુઁ ઝાંઝવાઓ ને ચરુઁ એ વાતમાં શું માલ છે?’

રુકશે નહીઁ આ કાફલો મન્ઝિલ પર પહોંચ્યા વગર,
વિઘ્નો જોઈ પાછો ફરુઁ એ વાતમાં શું માલ છે?’

મૂકીદીધાઁ કદમો અમે જોને’ વફા’ સંઘર્ષ મહી
અવરોધની ભીંતોચણુ એ વાતમાં શું માલ છે?’

________મુહમ્મદઅલી ભૈડુ’વફા’

08સપ્ટે.2006
તગાફુલ=અવહેલના
છન્દ:ગાગાલગા,ગાગાલગા, ગાગાલગા,ગાગાલગા,

વધુ માટે કલીક કરો:
http://bazmewafa.blogspot.com/

ન આપતુ. __મુહમ્મદઅલી ભૈડુ,વફા,

2006-09-06T14:13:00.000-07:00

ન આપતુ.

ફાટી ગયેલા દામન તણો છેડો ન આપતુ.
સંભાવના નો પાંગળો ટેકો ન આપતુ.

ડૂબીરહેલા નુઁ તરણુઁ કયાઁ પડ્યુઁ હશે?
રસ્તો ગયો છુઁ વિસરી નકશો ન આપતુ

તૂટી ગયા સઘળાય ધીરજના પયમાના,
આ જામ એક તૂટેલ છે ગળતો ન આપતુ

પગલાઁ ઉગેલાઁ જયાઁ હતાઁ સર્પો ફરી વળ્યા
સૂરજ અમારી સુબહને ઢળતો ન આપતુ.

ઉજડી’વફા’ગૈ એ વસઁત હૈયા રમાડતી,
કંટક વધ્યા છે શેષમા જખ્મો ન આપતુ.

___________મુહમ્મદઅલી ભૈડુ,વફા,
6 સપટે.2006

નકર_મોહમ્મદ અલી ભૈડુ"વફા"

2006-08-31T16:26:00.001-07:00

નકર _મોહમ્મદ અલી ભૈડુ"વફા"

પ્રેમના ખોટાજ દેખાડા ન કર
શક્યતાઓ છોલીને વર્તાળા ન કર.

જીંદગીના પાંદડાનો રંગ જો,
ભાગ્યની રેખાજ પસવારા ન કર.

જાળમા આવે કદીના માછલી
આ નકામા વારિમા કુંડાળા ન કર.

ભૂલવાનુઁ સુખ કદીતો લુંટને
દુઃખ દર્દના આમ સરવાળા ન કર.

એ’ જુદી ભાષા નથી મુશાયરાની
છાલ ગઝલની છોલવા ચાળા ન કર.

કઈ રીતે એના ઉપર ચડશે"વફા"
મ્રુગજળ ની આરઝુના મીનારા ન કર.

_ મોહમ્મદ અલી ભૈડુ"વફા"

૨૩ફેબ્રુઅ.૨૦૦૬
ગાલગાગા,ગાલગાગા,ગાલગા

મદિરાના જામો _ મુહમ્મદઅલી ભૈડુ’વફા’

2006-08-25T15:23:00.000-07:00

ખઁડિત થયા,છે મદિરાના, જામો,
ખંડેર ભાસે સબન્ધોના ગામો.

આપોન ધક્કો, મદિરા ધરીને,
એમાજ ગૌરવ પડ્તાને થામો.

ટુકડાહવે એ સાઁધીશુઁ કરશો,
ખંડિત અરીસોઅભરખો નકામો

કયાઁ ગઇ મહેફિલ મિલન કયાઁ થાશે
આ પીગળીરહ્યાઁ બરફના મકાનો.

માળો’વફા’સચવાય એ કયાઁ થી
તૂટેલ ડાળી તે પર વિસામો.

_મુહમ્મદઅલી ભૈડુ’વફા’

ગાગાલગા.ગાગાલગા,ગાગા

ભૂલીજા- _મુહમ્મદઅલી ભૈડુ’વફા’

2006-08-23T14:58:00.000-07:00

આ તાપી કિનારો ને ગાઁધી બાગ કેમ ભુલાશે?
અહીઁ મારી મહોબ્બતનો દટાયેલો ખઝાનો છે.
-આસીમ રાઁદેરી
ભૂલીજા

તાપી કિનારો ગાઁધી બાગ ભૂલીજા
પાણી થકી લાગેલ આગ ભૂલીજા.

સાથે રહી કોણે ખંજર પીઠમા ભોંક્યુઁ
તે વાર ની સાથે તે દાગ ભુલી જા.

છેદાય ડંખોથી ગયુઁ નગર તારુઁ,
તે ઝેરભૂલીજા એ નાગ ભૂલીજા.

પેલા ખઝાનાને, હવે કયાઁ જઈ શોધુઁ
તે પ્રેમ ભૂલીજા ,એનો રાગ ભૂલીજા.

ભાગ્યતમારા મા હતુઁ દર્દ આજોવા
આપ્યારની નગરી તણો ત્યાગ ભૂલીજા

દિલતો રડે પણ કયાઁ નયન રહ્યાઁ સુકાઁ
તાપી તટે ખેલાયેલ ફાગ ભૂલીજા.

-20ઓગસ્ટ2006

_મુહમ્મદઅલી ભૈડુ’વફા’

એક સો વર્ષ વટાવી ચુકેલા જનાબ આસીમ રાઁદેરી સાહેબ ને
સલામ સહિત અર્પણ..નઝ્મમાઁ તુકારાંત માનાર્થે પ્રયોજાયુઁ છે.
કોઈ રાન્દેરી ,સુરતી વ્યક્તિ આ વાંચે તો આસીમ સાહેબને સઁભળાવવા વિનંતી

અરબી કાવ્ય _ તૌફીક જૈયાદ.

2006-08-17T14:46:00.000-07:00

ફલસ્તીની(પેલેસ્તાઈન) કવિ તૌફીક જૈયાદ.

અહીઁ અમે રહીશુઁ.

લીડ્ડામાઁ,રામલામાઁ,અને ગલિલીમાઁ,
અમે એ રીતે રહીશુઁ
તમારી છાતી ઉપર એક દીવાલ ની જયમ,
અને તમારા ગળામાઁ
એક કાચની કરચ ની જયમ,
થોરના કંટકની જયમ,
અને તમારી આઁખોમાઁ
રેતના તોફાન બનીને,

અમે રહીશુઁ
તમારી છતી પર જાણે દીવાલ
તમારી હોટ્લોમા થાળીઓ સાફ કરીશુઁ
તમારા સુરાલયોમા પીણાઓ પીરસીશુઁ,
તમારા રસોડાના પથ્થરો ની સફાઈ કરીશુઁ,
અમારા ભુલકાઁઓ માટે એક કોળિયો છીનવવા માટે,
તમારા ભુરા ઝેરી દાંત માઁથી

અહીઁ અમે રહીશુઁજ
અમારા ગીતો ગાઈશુઁ
ક્રોધિત શેરીઓમા નીકળી પડીશુઁ
તમારી જેલોને આત્મ ગૌરવ સાથે ભરવા માટે
લીડ્ડામા,રામલામાઁ,અને ગલિલેમાઁ
અમે રહેવાનાજ
અંજીરના પડછયાઓનુઁ રક્ષણ કરવા
અને ઓલિવ ના વ્રુક્ષોનુઁ
અમારા બળકોમા બળવાનુઁ ખમીર ભરવાને
જાણેકે આટામા આથો.

_તૌફીક જૈયાદ

ખોટી અટકળ_ મોહમ્મદઅલી ભૈડુ”વફા”

2006-08-16T20:52:00.000-07:00

આમ કરોના ખોટી અટકળ.
કોણ કહેછે જીવન ઝાકળ.
એતો છે સઁદેશ ખુદાનો ,
એથી આવ્યા લાખો પયંબર,
જા લખીલો કરમો ની ગઝલો,
જીવન એતો કોળુઁ કાગળ.
હિલ્લોરા ખાતોછે દરિયો,
કાલ ભરીલે પ્રેમની ગાગર.
કળિયો ચહેકે પૂષ્પો મ્હેકેને
તૂ ઝંખે આવળ બાવળ .
“સુરત“ તો રગ રગ માઁ રમતુ
આઁખનુ કાજળ ચોક થી ભાગળ.
ચાલ “વફા” તાપી ત તટ જઇએ .
પાછા રંગીએ રંગનો પાલવ.
ગાગા ,ગાગા, ગાગા, ગાગા(ફઅલુન. ફઅલુન. ફઅલુન. ફઅલુન.)મુતદારિક છઁદ (8 અક્ષ્રરી)(અથવા વિદ્યુન માળા છઁદ)

મોહમ્મદઅલી ભૈડુ”વફા”

6 સપ્ટે.2005
સુરત તારી સોનાની મુરત
કોણે કરી એને આ ગારત.
પાછુઁ તુ બેઠુઁ થઈ જાશે કાલે
કેમ કે તારી રગીન તબિયત
‘વફા””
સુરત” તો રગ રગમાં રમતુ
ચોકથી ભાગળ જળ જળાજળ
ચાલ “વફા” તાપી તટ જઇએ
પાછા ભરીયે દર્દનો પાલવ.-

- મોહમ્મદ અલી ભૈડુ “વફા”

16અઓગષ્ટ 2006-

शीकवाए सुरत:कल्लु कव्वाल(अग्नात)

2006-08-13T22:24:00.000-07:00

शीकवाए सुरत:

हालत सुरत की बनाई अरे बाप रे बाप.
बापु मोदी की दुहाई अरे बापरे बाप.
न पानी बरसा सुरत मेँ ईतना मुशला धार.
बारीश के चंद छीतोँ से आती नही सैलाब.
फीर ये आफ्त आई कहाँ से सोचो मेरे भाई,
सुरत की सोने की मुरत करदी कीसने खराब
भाजप बीलकुल न शरमाई अरे बाप रे बाप.
हालत सुरत की बनाई अरे बाप रे बाप.
उकाई डाम पर बढ्ता था दो हफ्तेप्ते पानी,
ईजनेरोँ की एक भी बात सरकारर्ने न मानी.
छोड् देते पानी वहाँसे धीरे धीरे यारो,
सुरत की ईस हद तक होती न बरबादी.
ये तो साजिश थी बनाई अरे बाप रे बाप
हालत सुरत की बनाई अरे बाप रे बाप.

_कल्लु कव्वाल(अग्नात)

(कीसी ‘कालु कव्वाल”सुरतीने ए दर्दनाक कव्वाली भेजीहै,दिल हेला देती है)

आगे परह्ने के लिये क्लीक करेँ: http://bazmewafa.blogspot.com/

બિમારની રાત_જાવેદ અખ્તર

2006-08-01T21:23:00.000-07:00

પીડા દયાહીન છે
પીડા જ્લ્લાદ છે
પીડા કઁઈ કહેતી નથી
સાઁભરતી નથી
પીડા બસ અનુભવાયછે
પીડાથી સબડેલુઁ
કચડાયેલુઁ
શરીર તો હવે પરાજિત થઈ ગયુઁ.

આત્મા ઘણો જીદ્દીછે
પ્રર્તિરોધ કરી રહ્યો છે
હાંફે છે
કંપે છે
ગભરાયેલો
પીડાની શક્તિથી
ઘુઁટાયેલો
દેહને ચોઁટી પડ્યોછે
કહેછે
છોડીશ નહીઁ
મ્રુત્યુ
આંગણામા ઉભુઁ છે કયારથી
ધીરજથી એને નિરખી રહ્યુઁ છે
આજ રાત્રે
ન જાણે શુઁ થશે?

_જાવેદ અખ્તર

1ઓગસ્ત2006
(નામઁકિત ઉર્દુ કવિ જાવેદ અખ્તરની અછન્દાસ રચ્નાનો અનુવાદ_વફા)

પડછાયો હતો _મુહમ્મદઅલી ભૈડુ,વફા,

2006-07-31T21:33:00.000-07:00

મારોજ એ ,પડછયો હતો કોણ માનશે.
તો પણજુઓ પરાયો હતો કોણ માનશે

ને.મેઁજ ફેઁકયા એ હતા થોડા પથ્થરો,
ને હુઁજ ત્યાઁ ઘવાયો હતો કોણ માનશે

એ કેટલી કળી પૂષ્પ ઉપર, ફર્યો પ્યારથી
ભમરો જરા હળાયો હતો કોણ માનશે.

કઁઇકેટલા કર્યા પ્રયત્ન ભુલવા એ ગમ
એ કાળજે ભરાયો હતો કોણ માંનશે.

મે તો ચલાવ્યાઁ તીર ઘણા તાકી તાકીને
દુશ્મન જરા સવાયો હતો કોણ માનશે.

પાણીથકી ‘વફા’એ ન ભુઁસીશક્યુઁ કોઇ
હૈયા મહીઁ જડાયો હતો કોણ માનશે

_મુહમ્મદઅલી ભૈડુ,વફા,
31જુલાઈ2006

છન્દ:ગાગાલગા,લગાગા,લગાગાગા,લગા

શહીદાને યુકોન_મુહમ્મદઅલી ભૈડુ”વફા’

2006-07-28T22:50:00.000-07:00

યે કુરબાનીયાઁ આપકી યકીનન ન હોગી રાયગાઁ,
સાગર તુટેહૈઁ કુછ હઝારો મયકદે બન જાયેઁગે..

રાહમે જાને જાનાઁ પર જાન હી દેદી આપને
યે શહાદત આપકી મઁઝીલકા નીશાઁ બન જાયેઁગેઁ.

હાઁ ચન્દ દીયે બુઝ ગયે હૈઁ કુછ ગરીબ મકાન કે
હજારો મકાઁ મે ચિરાગે હિદાયત ઉસે જલ જાયેઁગેઁ.

_મુહમ્મદઅલી ભૈડુ”વફા’

28જુલાઈ2006

(કેનેડા કે પાંચ દાઈ કી શહાદત પર,જીસમેઁ ચાર ટોરંટો કે શહીદોઁ કો 27 જુલાઈ 2006 કે દીન મદીના મસ્જીદ ,ટોરંટોમે ર્ઝોહર કી નમાઝ્કે બાદ હજારોઁ કી તાદાદમે ઈજતેમાઈ નમાઝે જનાજાહ કે બાદ,પીકરીંગ, ઓંટારીઓ કે કબ્રસ્તાન મે એક સાથ એક બડી કબર બના કર દફનાયા ગયા.ખુદા ગરીકે રહેમત કરે,ઔર બાલ બાલ મગફિરત ફર્માયે)
દાઈ= અલ્લાહ કી તરફ બુલાને વાલે

Wed Jul 26 08:22:46 EST 2006 Four Toronto men die in Yukon crash Jul.26, 2006. 01:58AM TAMARA CHERRY STAFF REPORTER

Four Toronto-area men and one Whitehorse man are dead following a single-vehicle accident in Yukon Territory. The accident happened on a lonely stretch of Dempster Highway near the N.W.T.-Yukon border shortly before 8 p.m. local time, RCMP Sgt. Dan Gaudet said from Dawson City, Yukon. They were traveling southbound on the Dempster Highway, (when they) appear to have lost control and went off in a steep embankment off the highway, Gaudet said, adding RCMP is still investigating the cause of the accident. Its a fairly lonely stretch of highway over there. Initial response came from the nearest RCMP detachment in Fort McPherson, about 160 km away, after another driver spotted the accident and called it in, he said. Inuvik RCMP as well as an Inuvik Medivac helicopter and a police plane from Whitehorse also responded. When they arrived at the scene, they determined that there were four individuals (deceased) and two were still alive. One individual was Medivacked to Inuvik, N.W.T., and the other one succumbed to his injuries at the scene and was pronounced dead at the scene, Gaudet said. Its a tragic, tragic incident. The Dempster Highway is no stranger to accidents, Gaudet said. Simply because the highway itself, its got a lot of gravel sections, its very remote, therefore we do get some motor vehicle accidents. Monday nights accident claimed the lives of Naoman Sidat, 56, and Mohammed Saeed, 33, both of Toronto; Mohammed Pathan, 65, of North York; Azmat Sheikh, 38, of Markham; and Khalid Malik of White Horse, whose age is unknown. The lone survivor, seriously injured, but in stable condition, is from North York, Gaudet said. His name has not been released. Where the group of men were traveling is still being investigated, he said. A tourist attraction of itself, the Dempster Highway is Canada's only all-weather road to the Arctic Circle. It runs north from near Whitehorse in Yukon for about 617 kilometres to Inuvic in the Mackenzie River delta, where it connects with a 194-kilometre winter road to Tuktoyaktuk

સદીઓનુઁ રણ _મુહમ્મદ અલી ભૈડુ,વફા,

2006-07-27T21:19:00.000-07:00

પાનખરની આંખમા દૂઝ્તુઁ સ્મરણ જોયુઁ.
ઝાંઝવાની આગમા બળતુઁ હરણ જોયુઁ.

બૂઝવી શક્યો પ્યાસ હુઁ ના તારા મયકદે,
સાગર તરફ દોડી જ્તુઁ તારુઁ ઝરણ જોયુઁ

જીરવી લેત વાતજો બે ચાર દિનની હોત,
મેઁ સમયની કાઁધ પર તો સદીઓનુઁ રણ જોયુઁ

વાત પથ્થર ની તો શી એનો મિજાઝ વજ્ર
ફૂલના પમરાટનુ હૈયુઁ કઠણ જોયુઁ.

માણસો કયાઁ છે ‘વફા’વસ્તી તણા રણમા,
મેઁ ઘરોની જેલમા માનવનુઁ ઘણ જોયુઁ

_મુહમ્મદઅલી ભૈડુ”વફા’

1969

વિષ યુક્ત ડંખો _સરદાર અલી જાફરી

2006-07-24T18:56:00.000-07:00

તે વિતેલી ક્ષણોના વિષ યુક્ત ડંખો

અને તે શોણિતમાઁ ડૂબેલી ઊષાની ખાંડાની ધાર

અને સન્ધ્યાના ચક્ષુઓમાઁ દારુગોળાની કાજળ ની રેખા

અને તે અઠવાડિયાઓના સૈનિકો અને તે મહીનાઓના અસ્વાર

જે મારી વિદ્રોહની શક્તિને કચડી નાઁખવા માટે

એક પછી એક સૈન્યોના આક્રમણ કરતા રહેછે

બન્દૂકો લોખઁડી હોઠો સાથે વાર્તાલાપ કરેછે..

_સરદાર અલી જાફરી

(ઉર્દુના ક્રાતિકારી શાયર સરદાર અલી જાફરી ની આઝાદ નઝ્મ નો અનુવાદ)

રણકાર ના થયો. _મુહમ્મદઅલી ભૈડુ’વફા’

2006-07-23T23:11:00.000-07:00

રણકાર ના થયો. _મુહમ્મદઅલી ભૈડુ’વફા’

(ગઝ્લ)

એથીજ તો વર્ષો થયાઁ પણ પ્યારના થયો.
બધુઁજ કરી શક્યાઁ છ્તાઁ એકરાર ના થયો.

સાતે સમન્દર પી ગયા આવ્યો ન ઓડકાર,
ખાંડા થકી ખેલ્યા છતાઁ રણકાર, ના થયો.

સાથે રહ્યો એ ફૂલની સાથે સંગિની થઈ,
કંટક તણો બાગોમહીઁ સ્વીકાર ના થયો.

જંગલ અને રણ આઁગણે ભમ્યા અમે સદા,
તોયે અમારો હોંસલો બીમાર ના થયો.

હુઁ પણ’વફા’ એજીદને માની નહીઁ શક્યો,
ભરવા આ ખાલી જામ ને તૈયાર ના થયો.

_મુહમ્મદઅલી ભૈડુ’વફા’

છન્દ:ગાગાલગા,ગાગાલગા,ગાગાલગા,લગા
24જુલાઈ 2006

બેબીલોનની નદીના કાંઠે અમે બેઠા અને અશ્રુ વહાવ્યા

2006-07-23T21:07:00.000-07:00

બેબીલોનની નદીના કાંઠે અમે બેઠા અને અશ્રુ વહાવ્યા-1815(બાયરન)

1
અમે બેઠા અને પાણીની ધારે અશ્રુ વહાવ્યાઁ,
બેબીલોન પર અને તે દિવસના વિચારો પર
જ્યારે અમારા શત્રુએ એના ક્ત્લે આમમા
સાલેમની ઉચ્ચ જગ્યાને શિકાર ગાહ બનાવી
અને તમે એની ધુત્કારયેલી પુત્રીઓ
તમને અશ્રુ સારતી વિખેરવામા આવી.

2
અમે પિડિત હ્ર્દયે જયારે નદી પર દ્રષ્ટિપાત કર્યો
જે એના ઉઁડાણના તળિયે સ્વતંત્રતાથી વહીરહી હતી
એમણે ગીતની માગણી કરી ,પણ ના કદીનહીઁ
તે વિજય જે અજાણ્યાઓ એ જાણવુઁ જોઈએ
કદાચિત આ જમણા હાથને હમેશા માટે વિચ્છેદિત કરવામા આવે
અને શત્રુ ઓ માટે પછી આપણી ઉંચી વીણાને દોરડીથી બાઁધી દેવામ આવે
3
તે નેતરના વ્રુક્ષ પર જયાઁ વીણા ને ટીઁગાડવામા આવીછે.
હે સાલેમ તેના ધ્વનિ મા સ્વતંત્રતા હોવી જોઈએ
અને તે દુ:ખદ સમયે જયારે તારી જાહોજલાલી નષ્ટ પામેલી
પરંતુ તારી તે સ્મ્રુતિ છોડી ગયેલી
અને એના સુઁવાળા લયને પણ મિશ્ર કરવામા ન આવે
મારા ઉજ્જડ કરેલા ધ્વનિ ની સાથે

(બાયરન ના એક અંગ્રેજી કાવ્યનો અનુવાદ)

હુઁ મયકદા ત્યાગે ગયો _મુહમ્મદઅલી ભૈડુ’વફા;

2006-07-19T21:06:00.000-07:00

હુઁ મયકદા ત્યાગે ગયો _મુહમ્મદઅલી ભૈડુ’વફા;

સારુઁ થયુઁ, આવ્યો તુ ને, આ માર્ગને શ્રાપી ગાયો.
આતો અમસ્તો અવી ગયો ને જરા ચાખી ગયો.

સાચુઁ ક્હુઁ એકાદ ઘુઁટપણ મળતે ના કોઇને
આભાર મારો માન કે હુઁ મયકદા ત્યાગી ગયો.

એથી વધુઁ માગી નથી પીધી નથી મેતો’વફા’
આ ટેરવાઁ પર ભાગ્યના લાગેલ તે ચાટી ગયો.

મે તો સતત ચાલ્યા કર્યુઁ તારુ’વફા”બસ નામ લઇ,
ફંટાઇ ગઇ દિશા બધી રસ્તો ઘણો થાકી ગયો.

ભાગ્ય કયાઁ આ આઁખનુઁ ગંગો જમન એમાવહે
સાચુઁ કહુઁ તુજ યાદનો કાંટો જરા વાગી ગયો.

વહેતા ઝ્રરા ને જોઇને પાષાણ પીડિત થઇ ગયુઁ
ચીરી હ્રદયને મે દીધુઁ દરિયામાતુ ભાગી ગયો.

પળવાળનો સ્પર્શ’વફા’રહ્યો ફૂલોનો યાદગાર,
આવ્યો હવાનો ઝોકો ને ખૂશ્બુ બની વ્યાપી ગયો.

_મુહમ્મદઅલી ભૈડુ’વફા;

22નવે.2004

છન્દ:ગાગાલગા,ગગાલગા, ગાગાલગા,ગગાલગા,

એ શરીફ ઈંન્સાનો: _સાહીર લુધ્યાંન્વી

2006-07-17T19:54:00.000-07:00

એ શરીફ ઈંન્સાનો: _સાહીર લુધ્યાંન્વી

રકત આપણુઁ હોય કે પારકુ હોય
માનવ જાતિનુ રકત છે આખર
જંગ પૂર્વમા હોય કે પશ્ચિમમા
વિશ્વની શાઁતિનુ ખૂનછે આખર

બોમ્બ ઘરો પર પડે કે સરહદ ઉપર
સ્થાપત્યનો આત્મા જખ્મી થઈ જાયછે
ખેતરો આપણા બળે કે અન્યોના
આત્મા ભૂખથી તરવળી ઉઠેછે
ટેઁકો આગળ વધે કે પાછળ હટે
ધરતીની કૂખ વાઁઝ થઇ જાયછે.
જીતની ઊજવણી હોયકે હારર્નો વિલાપ
જીન્દગી મ્રુતકો પર અશ્રુ સારે છે

એટ્લા માટે એ શરીફ ઈન્સાનો.
જંગ ટળતી રહે તોજ સારુઁ છે
તમારાઅને અમારાઅને બધાના આંગણાઁ મા
દીપકો બળતા રહે તોજ્ સારુ છે.

_સાહીર લુધ્યાંન્વી

(ઉર્દુ ના મહાન ક્રાંતિકારી શાયર સાહીર લુધ્યાન્વી ની નઝમ નો અનુવાદ ‘વફા’)
ઝુલ્મ ફીર ઝુલ્મ હૈ ,બઢ્તા હૈ તો મીટ જાતા હૈ.
ખૂન ફીર ખૂન હૈ ટપકેગા તો જમ જાયેગા.

_સાહીર લુધ્યાન્વી

ઊઠી ગયો વિસ્વાસ ___મુહમ્મદઅલી ભૈડુ’વફા’

2006-07-17T19:50:00.000-07:00

ઊઠી ગયો વિસ્વાસ
___મુહમ્મદઅલી ભૈડુ’વફા’

માનવીનો માનવીથી ઊઠી ગયો વિસ્વાસ,
ને હ્રદયની લાગણીઓ બધી થઈ ગઇ બર્બાદ.

એક આદમ ને હવાઁના બાળો મળી ભેગા ,
કેમ આ કરતા રહેછે ખૂનો ખરાબા આજ.

રકતનો શુઁ ધર્મ, રાતુઁ એ નીકળે જખ્મથઇ,
બોઁબ ફેઁકો કે ચલાવો ગોળીઓ નો વરસાદ

આબધી લાશો ચુઠાયેલ ને રકત ની હોળી,
માનવીની લાશનો કોઈપહેરવોછે તાજ.

રહમની માઁગી રહ્યા છે ભીખ અલ્લાહ થી,
આવ ઊથાવીએઁ ‘વફા,સાથે બધાએ હાથ.

___મુહમ્મદઅલી ભૈડુ’વફા’

17જુલાઈ 2006

મુસ્કાનમા _મુહમ્મદઅલી ભૈડુ’વફા’

2006-07-17T19:45:00.000-07:00

મુસ્કાનમા _મુહમ્મદઅલી ભૈડુ’વફા’

કર્યોછે અમે વાસ તોફાનમા
સિતમગર જરા આવ તુઁ ભાનમા.

ભલા રકત પીશે તુઁ માનવ તણુઁ,
તને કોણ ગણશે ઇંન્સાનમા

સહેજે થશેના પ્રહારોથી ખંડિત ,
સંઘર્યાઅમે ઘાવ મુસ્કાનમાઁ.

ખુદા ખૈર ગુલશન ઉપર આ કરે,
સિતમગર હવે છે ઘણા તાનમાઁ.

‘વફા’હુઁ કહુઁ છુઁ બુલન્દીના સુરે,
નથી સત્ય કહેતો કદી કાનમાઁ.

_મુહમ્મદઅલી ભૈડુ’વફા’15મે 1970

અશ્રુ વહનછે. _મોહમ્મદઅલી ભૈડુ”વફા”

2006-07-17T19:30:00.000-07:00

અશ્રુ વહનછે.

ઘણી કશમકશ થી ભરેલુઁ જિવનછે.
હસીઁ હોઠ પર આંખે અશ્રુ વહનછે.

હજી તે ધરાછે હજીતે ગગનછે.
છતાઁ માનવીનુઁ ક્યાઁ સાબિતમન છે.

કહે કોણ કે આ અમારુઁ વતનછે.
નજર જ્યાઁ પડે ત્યાઁજ કાંટાળ વનછે

ગમોની મદીરા કદી ખૂન નો મય,
વતન સાકિઓ નુઁ અનેરુઁ ઇજન છે.

ઘરોલૂઁટ્યા તો કબર પણ લુટી લો,
ઘણા શબછે તાજા ને તાજા કફાન છે.

કળી ચુંથવાનો મળ્યો જેને હુનર
"વફા” એજ હાથો મા આખુ ચમનછે.

“વફા” ક્યાઁ કરેતુ અહીં તારુ મારુ
ફકીરો નુ તો વિશ્વ આખુ વતન છે.

મોહમ્મદઅલી ભૈડુ”વફા”

12જન્યુ.1969 ઉકાઈ

લગાગા,લગાગા, લગાગા,લગાગા,(ફઊલુન,ફઊલુન, ફઊલુન,ફઊલુન,)મુતકારિબ છઁદ.(12 અક્ષ્રરી)(ભુજંગી છઁદ)

2006-07-15T20:06:00.000-07:00

તાજ -જવાબે તાજ

તાજમહાલ
દમકતો ને ચમકતો શાહજહાંનો મહેલ જોવા દે
મને ધનવાન મજનૂએ કરેલો ખેલ જોવા દે

પ્રદર્શન કાજ ચાહત કેદ છે જેમાં જમાનાથી
મને એ ખૂબસૂરત પથ્થરોની જેલ જોવા દે

-શેખાદમ આબુવાલા

તાજમહલ

હેતાજ ભારત વર્ષ નો તુ તાજ છે.
તારા થકી એની અમરતા આજ છે.

સૌંદર્ય સંગે મરમર મહીઁ મ્હેકી ગયું.
પાષાણુ પર મહોબ્બત નુઁ પણ રાજ છે.

નખશિખ ગઝલ પારસમહીઁ પણ હાબને ,
ગાતારહો આ પ્યારનો આવાજ છે.

ડૂબી ગયો,હું પણ "વફા" એ રૂપમા
સૌંદર્ય તણી કેવી અજબ મેરાજ છે.

_ મુહંમદ અલી "વફા"

પ્રથમ શેર જ.બેકાર સાહેબ મરહુમ નો છે.

2006-07-15T19:32:00.000-07:00

બનીજા -જવાબે બનીજા

બની જા - જલન માતરી

કહું છું ક્યાં કે પયગમ્બર બની જા,
વધારે ચાંદથી સુંદર બની જા;

જગે પુજાવું જો હોય તારે
મટી જા માનવી પથ્થર બની જા.
- જલન માતરી

જવાબે બનીજા_મુહમ્મદ અલી ભૈડુ’વફા’

દુ:ખી જનોનો તુ પાલવ બનીજા
યાદે ઈલાહીનો આસવ બની જા.

ફૂલ બંનજે તુ પથ્થર ન બનતો,
કશુ ન બને તો માનવ બનીજા.

_મુહમ્મદ અલી ભૈડુ’વફા’

2006-07-13T22:32:00.000-07:00

એ તડ્પ _મુહમ્મદઅલી ભૈડુ’વફા’

(તઝમીન)

એતડપ હૈયાઁ તણી છે ,કોઈ બીમારી નથી.
એઅલગ છે વાત કે દુનિયાએ ગણકારી નથી.

આંખમા ચોંટી ગઈ એ નીકળી હૈયા થકી,
હા હવે તો છૂટ્વાની કોઇપણ બારી નથી.

જીઁદગીના કાફલા લુઁટાયા તારાગામમા,
તે છતાઁ કહેછે બધાઁ વાત અણધારી નથી

તુઁ તબીબ મિથ્યા પ્રયાસો છોડી દે નિદાનના
વેદના જુની થઈ ગઇ એટ્લે ભારી નથી.

અય હકીમો જાવ, દુનિયામાઁ દવા મારી નથી.
હુઁ ઈશ્કનો બીમાર છુઁ ,બીજી કઁઈ બીમારી નથી (સીરતી)

_મુહમ્મદઅલી ભૈડુ’વફા’

14જુલાઈ2006

છન્દ:ગાલગાગા,ગાલગાગા,,ગાલગાગા,લગા

2006-07-13T21:43:00.000-07:00

યાદ _ મોહંમદઅલી ભૈડુ’વફા’

ગઝલ

આવી ગઇ મુજ્ને ક્દી મારી ખતા યાદ.
ઈમાનનો પણ એ તકાદો આવે ખુદા યાદ.

બખ્ખશીશની ઉમ્મીદ હું એવી લઈ બેઠો,
કરતો રહુ છું હાં હવે હું મારા ગુના યાદ્.

બે ચાર ઘુંટ પીવાનુ મારુ યે મન હતું,
તારીન હાજરી ન હો એવી ન જ્ગા યાદ.

એ દર્દ્દ કે જેને મે પાળ્યું છે જતનથી,
મુજ્ને તબીબ માફ કર એની ન દવા યાદ.

ઝુલ્ફોની મ્હેકો ઉપર આખી વસંત ફીદા,
તારા ચમનની છેડતી કરતી તે હવા યાદ.

ભુલી જવાશું કાફલાની ઉડતી રેત જ્યમ,
મંઝિલ ઉપરતો કોને આવશે’ વફા’ યાદ.

_ મોહંમદઅલી ભૈડુ’વફા’

બ્રામ્પટન ,ઓન્ટ.,કેનેડા
૧૦ ફેબ્રુ.૨૦૦૬

2006-07-10T18:10:00.000-07:00

મેરા ગાઁવ મેરા દેશ

લુવારા ,તલુકા:મોટામિયાઁ માઁગરોલ જિ:સુરત ભારત.
સઁકલન:બાબુભાઈ પાંચભાયા

વતન

રૂપાળા મુખના તારા અમે દર્શન કરી લઈશુઁ.
હ્ર્દય વેરાન આ પાછુઁ અમે ઉપવન કરી લઈશુઁ.

વતન તો શુઁ વતનની ખાક પણ પ્યારી અમોને છે.
લગાવે મસ્તકે એને ડીલે અર્ચન કરી લઈશુઁ.

_ચીમનલાલ વ્યાસ

વતન(તઝ્મીન)_મુહમ્મદઅલી ભૈડુ’વફા’લુવારવી.

પથ્થરપણ પીગળાવીને અમે દર્પર્ણ કરી લઈશુઁ.
વતનની યાદનુઁ હૈયા મહીઁ આંગન કરી લઈશુઁ.

વહી જાશે કદી યાદો મહીઁ થોડા ગરમ આંસુ,
વતન ના બાગમા સીંચીને પાવન કરી કરી લઈશુઁ.

વતન તો શુઁ વતનની યાદ પણ પ્યારી અમોને છે,
કરીશુઁ યાદ જયારે પણ હ્રદય બળતણ કરી લઈશુઁ.

અમારા સ્વપનમા કોતરાશે એ લીલી ધરતી,
નદીતે કીમની રેતી વડે દામન ભરી લઈશુઁ

કદી પહોંચી જશુઁ એના સીમાડે ફૂલડાઁ લઈને,
’વફા’મારા લુવારાને ફરી ઉપવન કરી કરી લઈશુઁ.

_ મુહમ્મદઅલી ભૈડુ’વફા’લુવારવી

છન્દ: લગાગાગા,લગાગાગા,લગાગાગા,લગાગાગા
કીમ નદી ની ઉત્ત્રર , પશ્ચિમ મા આવેલુઁ અમારુઁ ખોબા જેવડા ગામની થોડી ઝલક ભાઇ બાબુ પાંચભાયા કેમેરાની આંખે કચકડા પર કંડારી લાવ્યા છે..એકન જર ઈધર ભી__
જરા અહીઁ કલીક કરો.
http://photos.yahoo.com/ph/abhaidu/album?.dir=/708fre2&.src=ph

2006-07-06T21:04:00.000-07:00

વણજારો _જાવેદ અખ્તર

હુઁ વણજારો
સમયના કેટલાયે નગરોમાથી પસાર થયો છુઁ
પરંતુ
સમયના આ એક નગરથી જતાઁ જતાઁ પાછો વળીને જોઊઁછુઁ
વિચારી રહ્યો છુઁ
તમારાથી મારો સબન્ધ પણ વિચ્છેદ થઈ રહ્યો છે
તમે મને જે નગરમા આવીને છોડેલો
સમયનુઁ એ નગર પણ હવે મારાથી છૂટી રર્હ્યુઁ છે.

_ જાવેદ અખ્તર

અનુ.3જુલાઈ2006
(ઉર્દુના નમાંકિત કવિ જાવેદ અખ્તર ની અછન્દાસ રચનાનો અનુવાદ_વફા)

2006-07-05T15:50:00.000-07:00

ઝડપી હરણ_મુહમ્મદ અલી ભૈડુ’વફા’

ભાગી ગયુઁ જાણે કોઈ ઝડપી હરણ.
શોધી રહ્યો છુઁ હુઁ હવે તે બાળપણ.

પ્યાસાઁ હરણ ચાટી ગયાઁ સહુ ઝાંઝવા,
ઉપવન મહીઁ ચોંટી ગાયાઁ વેરાન રણ.

આ હાથમા પણ જામ એક ફર્યો હતો,
બુધ્ધી મહીઁ પેંસી ગયુઁતુઁ. શાણપણ..

મ્રુત્યુ એને લોકો કહેછે જગ મહીઁ,
સુઁઘે જીવન પૂષ્પોને જયારે મરણ.

અંતિમ સીડી લક્ષ્યાંક ની હા એ હશે,
ઉઁચકીજશે આવી તને બે ચાર જણ.

નહીઁ તો ‘વફા’ એ ભેદ ખુલ્લો થઇ જતે,
સારુઁ થયુઁ મુસા(અ.સ.)થયા મુર્છા શરણ.

_મુહમ્મદ અલી ભૈડુ’વફા’

છન્દ:ગાગાલગા, ગાગાલગા, ગાગાલગા,

2006-07-04T19:19:00.000-07:00

ઉંચા અધર થૈ જાયછે _મુહમ્મદઅલી ભૈડુ.વફા’.

ગુંગળાતી ચાર દીવાલોનુ ઘર થઇ જાયછે..
જંગલોઘરના વસેને ત્યાઁ નગર થઇ જાયછે.

ઝાઝવાની રેતને પ્યાસી નજર ચાટ્યાકરે,
મજબુરીના મૃગના ઉઁચા અધર થઇ જાયછે.

સ્વાસના બેતાંતણા ઊપર નથી નિર્ભર બધુઁ,
જીવનારા મ્રુત્યુના મુખ મા અમર થઇ જાયછે..

એક્લો હોતો નથી હુઁ કંટક ભરેલી કેડીએ
કાફલા દરદો ગમોના હમસફર થઇ જાયછે.

ભારએનાજુક છ્તાઁ ઉઁચકે નજર શર્મીલી થૈ,
ફૂલ જયાઁ ખીલીઉઠે નીચી નજર થઇ જાયછે.

એ’વફા’ભાગે નહીઁ મ્રુત્યુ તણા રણ જોઇને
હાથ દોસ્તો નાજુઓ પોતે કબર થઇ જાયછે

હમદર્દીનો નાતો નિભાવી લેછે. અંખો રડી
દિલના દર્દોની ‘વફા’એને ખબર થઇ જાયછે.

_મુહમ્મદઅલી ભૈડુ.વફા’.

છન્દ: ગાલગાગા,ગાલગાગા,ગાલગાગા. ગાલગા.

2006-07-04T17:10:00.000-07:00

રાજકુમાર_ સાહિર લુધ્યાંનવી

પોતાના પુર્વ જનોની અસ્મિતાની વાર્તાઓ ને મમળાવતા
તમારા અઁધારા આવાસોના અવકાશમા ગુમ થૈ જાવ
આરસી સ્વપ્નોની પરીઓંને આલિંગનમા લઈ પોઢી જાવ
વાદળોની પાંખ પર ચાલો,ચન્દ્રને તારકો ઉપર ઊડ્યન કરો

તમોને એજ પુર્વજોના વારસામાથી પ્રાપ્ત થયુઁ છે
પશ્ચિમની સંસ્ક્રુતીનો આ સળગતો લાવા
મૂડીવાદી બળોની એમા ભેળ સેળ ન સહી
મૂડીવાદ ને મજદુરોનુ યુધ્ધ તો ખરુઁ
તુ પશ્ચિમની સાંસ્ક્રુતિક અસરોથી લદાયેલો છે
તુ પૂર્વની હવાઓમા નથી
તારે પશ્ચિમના આ ઝઘડાઓ થી શુઁ લેવુઁ?
શયામલતા પૂર્ણતાને આરેછે,લાલ કિરણો ફેલાય રહ્યાછે.
પશ્ચિમના વાતાવરણમા તરાનાઓ ગુંજી રહ્યા છે
લોકશાહીની સફ્ફળતા અને ન્યાયના,સ્વતંત્રતાના
પૂર્વના કિનારાઓ પર વાયુઓનો ધુઁમાડો ફેલાવા લાગ્યો
અજાણી તોપોના મોઢાઓ અગ્નિ વરસાવા લાગ્યા
નિન્દ્રા ગ્રુહોના છાપરાઓ તૂટવા લાગ્યા
તમારી પથારીઓ પરથી ઊઠો
નૂતન રાજવીઓની પ્રતિષ્ઠા કરો
તમે બહુજ મોડે સુધી નિદ્રાધીન રહ્યા.

_સાહિર લુધ્યાનવી

(ઉર્દુના મહાન ક્રાંતીકારી કવિ સાહિર લુધયાનવી ની ઉર્દુ આઝાદ નઝમનો અનુવાદ_વફા)
4જુલાઈ20006

2006-07-03T21:48:00.000-07:00

પ્રતિષ્ઠા નુ વ્રુક્ષ _ મુહમ્મદઅલી ભૈડુ’વફા’

પ્રતિષ્ઠા ના વ્રુક્ષ પર પથ્થર ફેઁકનારાઓ
તમારા વ્રુક્ષની ડાળકીઓ ઘણી ક્રુષ્ટ છે
બહુજ જલ્દી વિજળી ત્રાટ્કશે
તમારા નાજુક માળાઓની ચિંતા કરો.

(મુહમ્મદઅલી ભૈડુ’વફા’ની એક ઉર્દુ અછન્દાસ રચનાનો

અનુવાદ.શાયરી.કોમ માઁથી)
4જુલાઈ 2008

2006-07-02T23:53:00.000-07:00

દ્રિધા__જાવેદ અખ્તર

આપણે ઉભય જે અક્ષર હતાઁ
આપણુઁ એક દિવસ મિલન થયુઁ
એક શબ્દ અસ્તિત્વમા આવ્યો
અને આપણે એક અર્થ પ્રાપ્ત કર્યો
પછી જાણે શી વિતા આપણા ઉપર પડી
અને હવે એ પરિસ્થિતિ છે કે
તુ એક અક્ષર છે
એક ખાના મા
વચમા
કેટલીયે ક્ષણોના ખાના ખાલી છે
ફરીથી કોઇ શબ્દ બને
અને આપણે ઉભય કોઇ અર્થ પ્રાપ્ત કરીયેઁ
એવુ થઈ પણ શકે છે
પરંતુ
વિચારવુઁ રહ્યુઁ
કે પેલા ખાલી ખાનાઓમા આપણે ભરવુઁ શુઁ ?

_જાવેદ અખ્તર

(બોલીવુડના મશહૂર શાયર જાવેદ અખતરની આઝાદ નઝમ નો અનુવાદ_વફા.)

2006-06-22T23:43:00.000-07:00

ફસાદ ના પહેલાઁ_ જાવેદ અખ્તર,.

આજે આ નગરમા,
બધા લોકો કેમ ભયભીતછે.
ચેહરાઓ
કેમ ફીકા છે,
ગલીઓ અને શેરીઓમા
કેમ ચાલી રહીછે,
શાંત અને મૂક ડરેલી હવા,
પરિચિત ચક્ષુઓમા પણ,
અજ્નબીયત ની પાતળી રેખા કેમ છે.
આ શહેર
સન્નાટાની સાંકળો માઁ
જકડાયેલા અપરાધી જેવુઁ દ્રષ્ટિમાન થાય છે,
એકલ દોકલ
કોઈ પથિક પસાર થઈ જાય છે,
ભયની ધુળમાથી,
કેમ ઝાંખુઁ છે આખુઁ દ્રશ્ય.
_ જાવેદ અખ્તર,.

ફસાદના પછી-જાવેદ અખ્તર.

ગાઢ સન્નાટો છે
કેટલાક મકાનોમાઁથી શાંત ઉઠેલો
ગાઢ કાળો ધુમાડો
મેલ હ્રદય મા લઈને
બધી બાજુએ દૂર સુધી ફેલાય રર્હ્યો છે.
ગાઢ સન્ન્નાટો છે.
મુદ્ડાની જેમ આ રસ્તો વાચા વિહીન છે..
એક તૂટેલી લારી
ઊલટી પડી,
એના પૈઁડાઓને હવામા ઉલટાઁ થૈ ગયા,
અને આકાશને આશ્ચર્યથી તાકી રહેલછે,
જેવી રીતે જે કાઁઈ પણ થયુઁછે,
એનો વિશ્વાસ હજી સુધી એને આવ્યો નથી,
ગાઢ સન્નાટો છે.
એક ઉજડી ગયેલી દુકાન,
ચીખોના પછીનુ મોઢુઁ.

_ જાવેદ અખ્તર,

.( મશ્હુર બોલીવૂડ નાશાયર જાવેદ અખ્તરની આઝાદ ઉર્દુ નઝમનો

ગુજરાતી અનુવાદ”વફા”)

2006-06-21T21:40:00.000-07:00

એકાંત_
ફૈઝ અહમદ ફૈઝ

હે પીડિત હ્ર્દય પાછુઁ કોઈનુઁ આગમન થયુઁ છે,ના કોઈ નથી.
પથિક હશે,કયાંક બીજે ચાલ્યો જશે.
રાત્રિ ઢળી ચુકેછે,તારકોનો ધૂમાડો પ્રસરવા લાગ્યો છે.
રહેઠાણોમા ઊઁઘતા દીપકો ધ્રુજી રહયા છે.
બધી પગદંડીઓ રાહ જોઈ જોઈને નિન્દ્રાધીન થૈ ચુકીછે.
પગરવ ના ચિન્હોને અજાણી ધૂળે ઢુઁઢળા બનાવી દીધાછે.
દીપકોને બૂઝાવી દો,સુરા,સુરાહી,જામને આગળ ધરો,
તમારી નિન્દ્રા વિહીન સાંકળોને તાળુઁ મારી દો,
હવે અહીઁ કોઈનુ આગમન નહીઁ થાય,કોઈનુ આગમન નહીઁ થાય.

_ફૈઝ અહમદ ફૈઝ

(ફૈઝ અહમદ ફૈઝની આઝાદ ઉર્દુ નઝ્મનો અનુવાદ ’વફા’)

વાદળી વરસી જશે _મુહમ્મદઅલી ભૈડુ,વફા,

2006-06-19T21:25:00.000-07:00

શુષ્ક મનની ભોમમા કો વાદળી વરસી જશે.
લાગણી ની ચાઁદની મનમોર થૈ હરખી જશે.

હુઁ ઉગાડુઁ ચાઁદની તુઁ વાવણી કર રાતની,
રાતના પાલવ મહીઁ આ ચાઁદની મરકી જશે.

આવરણનીકાળમીઁઢ એ રાતને જકડી જુઓ,
રોશની આ ચાઁદની એ વાડને ભરખી જશે.

આઅમારો સુરજ દિલનો રોશન ખુમારીમા સદા,
સાત મેરુઁ આવશે અવરોધના ઝળકી જશે

હાથના એ છુઁદણે પરદો જરા નાઁખી દીયો,
પાઁદડે જે નામછે કોઈ ‘વફા’ નીરખી જશે.

_મુહમ્મદઅલી ભૈડુ,વફા,

21નવે.2004
છન્દ(ગાલગાગા, ગાલગાગા,ગાલગાગા,ગાલગા)

ચાન્દનીને પાળીયે _મુહમ્મદઅલી ભૈડુ’વફા’

2006-06-19T15:14:00.000-07:00

ચાલ દિલની ચાન્દનીને પાળીયે.
રાતના આ સ્વાનને પંપાળીયે.

પ્રાત:કાળે આવશે ઉગતો સુરજ
દિલ મહીઁ કિરણોના બીબાઁ ઢાળીયેઁ.

દોસતીના તારકો સંઘરી લઈએઁ,
ઈર્ષાની સહુ આગને પણ ઠાળીયેઁ.

ચાલવગડે મીઠી બાની બોલીએઁ,
કોકિલા ટહૂકેછે આંબા ડાળીયે.

આ સમયની દોરનો વિસ્વાસ શો
સ્નેહની ગાંઠો બધે જઇ વાળીયેઁ.

ચલ’વફા” સપના ની સુની વાડીએ,
પાઁદડા મીઠાઁ જરા મમળાવીયે.

_મુહમ્મદઅલી ભૈડુ’વફા’

સપના-મોહમ્મદઅલી ભૈડુ’વફા’

2006-06-18T20:11:00.000-07:00

રાતા સપના.
માતા સપના.

તુ આવી ગઈ
સાચા સપના.

ઇચ્છા દરિયો,
કાંઠા સપના.

કલ્પના મોતી,
ધાગા સપના.

મૌનની વાચા,
ભાષા સપના.

નિન્દ્રા તૂટી,
જાગા સપના.

સુંઘી રાતો,
પીધા સપના.

પંખી ઉડ્યન,
પાંખો સપના.

કોણ ખરીદે,
તૂટા સપના.

લો ધરી દઊઁ
મારા સપના.

ઉગાડ તુ પણ
તારા સપના.

મોહમ્મદઅલી ભૈડુ’વફા’

બ્રામ્પટ્ન,કેનેડા 1સપ્ટે.2005

રણકે ગઝલ

2006-06-15T16:19:00.000-07:00

દર્દનો ભાર હૈયા પર વધે સણકે ગઝલ.
મહેકે કોઇની યાદ ના પુષ્પો રણકે ગઝલ.

હવેતો કયાંથી વસંતી વાયરા પાછા ફરે
સબઁધો કઁટકો થૈને ખુઁપે તણખે ગઝલ.

રદીફ નીલાગણી ને કાફિયા દુ:ભાય જયાઁ,
વજનની અસ્મિતાઓ તૂટતાઁ કણસે ગઝલ.

ઉજાડીદો કોઈના બાગના ભર્યાઁ ભર્યાઁ ફૂલો,
દુ:ખી ની હાય ના રણવગડા પણ જણશે ગઝલ.

સરળ ને સાદી બાની મા ‘વફા’કહીદો મરમ,
સુકાયેલી ધરાના બાળ પણ ભણશે ગઝલ.

મોહમ્મદઅલી ભૈડુ’વફા’
15જુન2006

મારી પ્રથમ ગઝલ - આદત છે__મોહમ્મદઅલી ભૈડુ’વફા’

2006-06-13T22:28:00.000-07:00

મારી પ્રથમ ગઝલ
( જ.મસ્ત મંગેર સાહેબે અને મ.મસ્તહબીબ સા.ત્રણ વખત સુધારી લખાવી,મુઁબઈથી નીકળતા’ઈસ્માઈલી’પખવાડિકમા12મે1967ના રોજ શ્રી હસન અલી નામાવટી અએ પ્રગટ કરી)

આદત છે

ગમે તેવો હો ગમ દિલ પર મને હસવાની આદત છે.
તમે ગમગીન છો સુખમાઁ અનેરી એજ બાબત છે.

સમયનો રંગ બદલાતાઁ બધાયે ભેદ સમજાશે,
પ્રણય શી ચીજ છે,આ જીન્દગી કોની અમાનત છે.

સિતમની થૈ જશે તમને પ્રતિતિએ એજ વેળાએ,
સ્વયઁ આવી નિહાળોકે દિવાનાની શી હાલત છે.

હસી લઊઁછુઁ હુઁ મારી દુર્દશા પર એજ કારણ થી,
કે મારા દોસ્તો માટે ખૂશી ની એજ બાબત છે.

ચમન ને માળી લૂઁટે છે નિગેહબાનીના પરદામા,
છતાઁ સન્દેહ છે એવો કે એનાથી હિફાઝત છે.

પતંગાના વિયોગે રાતભર બળ રહેછે એ.,
’વફા’કાજે શમાની એ ઘણી ઉઁચી શહાદત છે.

_મોહમ્મદઅલી ભૈડુ’વફા’

(આ રચના કઠોર જિ.સુરત –સીરતી સા.ના ગામ માતા.15-10-1967રવિવારન થયેલા મુશાયરમા રજુ કરવામા આવી હતી.જે મુશાયરામા હઝલ સમ્રાટ શ્રી બેકાર સાહેબ નુ સફળ સંચલન હતુઁ.તે સમયના નામાંકિત શાયરો ભગવતીકુમાર શર્મા,રતિલાલ ‘અનિલ’,મસ્તહબીબ સારોદી,શ્રી મસ્ત મંગેરા(આચાર્ય),ગુજરાતીના અકબર ઈલાહાબાદી શ્રી નિસાર અહમદ શેખ(શેખ્ચલ્લી),જ.સીરતીસા.,પરિમલ,અદમ ટઁકારવી,સરોજ પાઠક,ગની દઁહીવાલા , ’વફા’ સૈયદ ‘રાઝ’નવસારવી વિ.એ ભાગ લેવાનુ યાદ છે.મુશાયેરો રાત્રિના મોડા સુધી ચાલ્યો હતો.મુશાયેરાના પ્રમુખ પદે ચામડીના રોગોન નિષ્ણાત મ.ડો.ગુલામમોહમ્મદ મોટાલા સા.હતા.ભાઇ જનાબ ફારુક રજા કાઝી(હાલ કેંનેડા-ટોરંટો)જેવા તર્વરાટ ભરેલા યુવાનોએ મુશાયેરાની કામગીરીસફળ બનાવવા માટે સિન્હ ફાળો આપ્યઓ હતો.અને મેહમાનીમા કોઈ કસર રાખીનહતી) )

ખાણ હતી કોણ માનશે_મોહમ્મદઅલી ભૈડુ”વફા”.

2006-06-10T17:19:00.000-07:00

તારા નગરની જાણ હતી કોણ માંનશે?
લજ્જાની વચ્ચે આણ હતી કોણ માંનશે?

શોધી રર્હ્યો હુઁ તને વસ્તી અને રણમા.
દિલમાઁ એની ખાણ હતી કોણ માંનશે?

સ્રુસ્તિનુ સર્જન થયુઁ એક કુનના ઈશારે
શક્તિની એ પિછાણ હતી કોણ માંનશે?.

પાકી જતાઁ સંઘરે નહીઁ ન ડાળકી ન વ્રુક્ષ,
ફળ,ફુલ ને કયાઁ જાણ હતી કોણ માંનશે?..

સુકાયા પછી પાઁદડા ખરતે નહીઁ “વફા”
કઁઈ લાગણીની તાણ હતી કોણ માંનશે?

_મોહમ્મદઅલી ભૈડુ”વફા”.
9જુન2006
કુન=થઈ જાઓ
(“કોણમાનશે” રદીફ મા ભૂતકાળમા ઘણા પ્રતિષ્ઠિત કવિઓ એ ગઝલો લખી છે.પરંતુ બધાએ વિવિધ કાફિયાનો ઉપયોગ કર્યો છે.જાણ,આણ,ખાણ વિ.શૂન્યપાલનપુરી એ કશાનો,.જમાનો,મઝાનો વિ.રૂસ્વા મઝ્લુમી એ, અને દશા.જગા,બધા કાફિયાનો ઉપયોગ જ.મરીઝ સાહેબે કર્યો છે.પ્યાર.સાર.ખાર રતિલાલ “અનિલે કર્યો છે.મે એ રદીફ સહિત એ બધા કફિયા લઈ ગઝલ કંડારવાનો પ્રયાસ કર્યો છે. જે અઁહીઁ પ્રસ્તુત છે. )

કોણ માનશે-મોહમ્મદઅલી ભૈડુ”વફા”

2006-06-10T17:17:00.000-07:00

આશાનો એ મિનાર હતો કોણ માનશે?
ને એજ ડૂબાડનાર હતો કોણ માનશે?

વેરી અમારો પ્યાર હતો કોણ માનશે?
હૈયાના આર પાર હતો કોણ માનશે?

ફૂલોને કોરી ગઈ ગુલશન ની વેદના,
માળીજ તોડનાર હતો કોણ માનશે?

પોતે બળી બળી બધે જ્યોતિ ધરી દીધી,
એ દીપ તળે અન્ધાર હતો કોણ માનશે?

કરતો રહ્યો નિદાન જે પ્યારાના દર્દનુ,
એ ઈશ્કનો બીમાર હતો કોણ માનશે?

દાવા કર્યા ખુદાઈના મુસા ની સામે જઈ,
એ ડૂબવા લાચાર હતો કોણ માનશે?

ઝાકળના એનીઆંખ મા પૂર હતા “વફા”
ને એજ માર નાર હતો કોણ માનશે?
_મોહમ્મદ અલી ભૈડુ”વફા”
9જુન2006

મુસા(અ.સ.)=એક મહાન પયગંબર
ડૂબવાલાચાર=ફિરઓન

કોણ માનશે- મોહમ્મઅલી ભૈડુ”વફા’

2006-06-10T16:46:00.000-07:00

એ સમય વ્યથાનો હતો કોણ માનશે?
દુશ્મન આ જમાનો હતો કોણ માનશે?

ભટકી જતે હુઁ યે લપસણા પથઉપર,
એહસાન ખુદાનો હતો કોણ માનશે?

ભેગા થયા તબીબો નિદાન ના કાજે
નેવકત એ દુવાનો હતો કોણ માનશે?

સનમજતો હતો હુઁ વફા મારો ઈજારો,
એ ખુદા બધાનો હતો કોણ માનશે?

આખરે એ ઉભય બેવ એક થઈ ગયાઁ,
ઝઘડો એક અના નો હતો કોણ માનશે?

ને અમે સહજથી એને મેળવી લીધો,
રસ્તો એ ફનાનો હતો કોણ ,માનશે?

આમ સરળતાથી એ પ્રાપ્ત કયાઁ થતે,
અણસાર વફાનો હતો કોણ ,, માનશે?

મોહમ્મઅલી ભૈડુ”વફા’
9જુન2006

અના=અહઁકાર

પરિચિત છે-મોહમ્મદઅલી ભૈડુ”વફા”

2006-06-07T22:13:00.000-07:00

હ્રદય મારુઁ દુ:ખી દિલની પુકારોથી પરિચિત છે.
પરિચિત છે બધી સઁધ્યા સવારોથી પરિચિત છે.

ચમનમાઁ કોકિલા ટહૂકી રહી માસુમ ભાવે પણ,
ખિઁઝાના રંગથી નાતો બહારોથી પરિચિત છે.

ખિઝાઁનો રંગ જોઈને નથી જે સારતા આંસુ,
ન જેનુ દિલ ચમનની આ બહરોથી પરિચિત છે.

અમે તો બે ફિકર થઈનેજ નૌકા છોડી સાગરમા,
કિનારાથી ન મૌજાનાઁ પ્રહારોથી પરિચિત છે.

ખરે તારીજ કુદરતને ન કો પ્રિચ્છી અઁહી શકયુઁ,
જમાનો એમતો જગમા હજારોથી પરિચિત છે.

હ્ર્દય આપી અમે જાણયુઁ અપેક્ષાઓ ન કઁઈ રાખી,
ન તો એ પ્યાર કે તારા પ્રહારોથી પરિચિત છે.

રહ્યાછે દૂર મારાથી “વફા” મિત્રો ઘણા એવા,
કે જે મુજથી નતો મારા વિચારોથી પરિચિત છે.

મોહમ્મદઅલી ભૈડુ”વફા”
(ઈનસાન જુલાઈ1967)

કયાઁ મળે- -મોહમ્મદઅલી ભૈડુ”વફા”

2006-06-07T16:56:00.000-07:00

તસ્વીરમા તાસીર તારી ક્યાઁ મળે .
હાથોમહીઁ તકદીર તારી ક્યાઁ મળે .

મારગ સહુ અળખામણા આ પંથના,
સપના મળે તાબીર તારી કયાઁ મળે.

-મોહમ્મદઅલી ભૈડુ”વફા”
07જુન2006

એક્લો-મોહમ્મદઅલી ભૈડુ”વફા”

2006-06-06T19:49:00.000-07:00

આટલા લોકો બધા તુઁ એક્લો.
કેટલી ગાજે સભા તુ એક્લો.

દીપ છે તેથી પરીક્ષણ થઈ ગયુઁ,
જોરથી ચાલે હવા તુઁ એક્લો.

દોડશે તુ કેટલુઁ ને કયાઁ સુધી,
કેટલી લાઁબી ધરા તુઁ એક્લો.

હોઠ પ્યાસા કેટલા ધગ ધગે,
કેટલી પીશે સુરા તુઁ એક્લો.

ભાગ્ય સિકન્દર નુ ચાહે તુ ગ્રહે,
બેચાર ગજ લેશે ધરા તુઁ એક્લો.

એ મટે ના તો તબીબ નો દોષ શો,
છે ઘણા દર્દો પીયે દવા તુઁ એક્લો.

લે ખુદાનો હાથ તારા હાથમા,
છે ખુદા સાથે છોને ‘વફા’ તુઁ એક્લો.
મોહમ્મા અલી ભૈડુ’વફા’
26નવે.2004

રંગો ફૂટી ગયા - મુહમ્મદઅલી ભૈડુ ‘વફા’

2006-06-05T21:42:00.000-07:00

હેથા રહ્યા આ હાથ ને સબન્ધ તૂટી ગયા.
દોરી ગઈ સચવાઈ પણ પતંગ લૂટી ગયા.

કઁઈ કેટલા અરીસાઓ પણ હેમખેમ છે,
કઁઈ કેટ્લા ચહેરાઓના રંગો ફૂટી ગયા.

મુહમ્મદઅલી ભૈડુ ‘વફા’

કિસ્મત ફળી ગઈ - મોહમ્મદઅલી ભૈડુ”વફા”

2006-06-04T21:42:00.000-07:00

કેવી ખુદાની શાન કે કિસ્મત ફળી ગઈ.
મારી સુરાહી જામમા રહેમત ભળી ગઈ.

નીકળી પડ્યો હુઁ શોધવા પાપોના કાફલા,
એહ્સાન મારા રબનો કે તૌબા મળી ગઈ.

મોહમ્મદઅલી ભૈડુ’વફા’
28જુલાઈ2005

ગમ લઈ ફરુછુઁ.- મોહમ્મ્દઅલી ભૈડુ”વફા”

2006-06-03T22:11:00.000-07:00

તૌહીદી છુઁ તૌહીદનો પરચમ લઈ ફરુઁછુઁ.
ઈમાનની દઅવત હુઁ હરદમ લઈ ફરુઁછુઁ.

આકાએ દોજહાન સદા મીરે કારવાઁ,
આ ઉમ્મતે મરહુમનો હુઁ ગમ લઈ ફરુઁછુઁ.

જ્યારે નિહાળુઁ બેઅમલી બેખોફનો આલમ.
દિલને સળગતુ આંખને હુઁ નમ લઈ ફરુઁછુઁ.

જાન,માલ,દિલ, સમય જે કઁઈ બધું છે લૈ,
લાઈલાહા-ઈલ્લલાહ નો દમ લઈ ફરુઁછુઁ

મારા તમામ પાપને બખ્શીદો યા ખુદા,
’વફા” મુજ આકેબતનો ગમ લઈ ફરુઁછુઁ.

મોહમ્મ્દઅલી ભૈડુ”વફા”ટોરંટો,કેનેડા
14મે,2006.
શબ્‍દવિહાર,તૌહીદી - એકેશ્વરવાદી.આકાએ દોજહાન - બે જહાન (વિશ્વ)ના સરદાર એટલે આ લોક અને પરલોબના સરદાર ( પયગંબર સાહેબમાટે વપરાતી ઉપમા)
આકેબત - આખેરત , મરવા પછી ફરી જીવંત થઇ અલ્‍લાહ સમક્ષ હિસાબ કિતાબ આપવાની ઘડી.

સૈયદે અબરારનુ -મોહમ્મદઅલી ભૈડુ”વફા”

2006-06-03T21:56:00.000-07:00

સાઁભરુઁ છુઁ હુઁ સતત નામ તુજ દરબારનુ.

છેપ્રથમ તુજ નામ ને તે પછી સરકારનુ.

યા ઇલાહી હુઁફરુઁ બક્ષિસ ની ઉમ્મીદ લઈ,

જીવન મનેતુ કર અતા સૈયદેઅબરારનુ.

મોહમ્મદઅલી ભૈડુ”વફા”
24એપ્રીલ 2006

છન્દ:ગાલગાગા,ગાલગાગા,ગાલગાગા,લગા

(ફાઇલાતુન,ફાઇલાતુન,ફાઇલાતુન્,ફઅલ )

સૈયદે અબરારનું એટલે પયગંબર સાહેબ.મુસલમાનો એમના જીવનને પોતાના માટે આઇડીયલ માને છે, તેમના જીવનને નમુનો માની અનુસરણ કરે છે, આ માટે જ તેઓ સતત પ્રયત્‍નશીલ રહે છે, અને અલ્‍લાહથી દુઆ કરે છે કે અલ્‍લાહ તઆલા માણસને એમના જીવનને અનુસરી પવિત્ર જીવન જીવવાની તોફીક આપે.આ જ દુઆ મુહંમદભાઇ ભૈડુ કરી રહ્યા છે,(સુવાસ ગુજરાતી બ્લોગ)

મસ્ત મુશાયરો

2006-06-01T15:11:00.000-07:00

(આજ થી લગભગ 38 વર્ષ પહેલાઁ ના એક મુશાયેરાની ઐતિહાસિક નોઁધ જે સુરતના ‘ મુજાહિદ’ પખવાડિકે લીધી હતી )
‘મસ્ત હબીબ’ સારોદીના સનમાર્થે જંબુસર મા યોજાયેલો- મસ્ત મુશાયરો

મસ્ત મુશાયરો

‘મસ્તી’અને ‘તુલસી ઇસ સંસાર મે” કાવ્યસંગ્રહો ના સર્જક જનાબ ‘મસ્તહબીબ’ સારોદી ના સંન્માર્થે તા.24-2-68ના રાત્રે 8:30 કલાકે જંબુસર મુકામે ગુજરાત રાજ્યના સંસદિય સચિવ શ્રી વિનોદચન્દ્ર શાહના પ્રમુખપદે મસ્ત મુશાયેરો યોજાયો હતો..સ્વાગત પ્રમુખ તરીકે સારોદના ઠાકોર અમરસિન્હ ઉપસ્થિત રહ્યા હતા. અતિથિ વિશેષ તરીકે અકબરઅલી જસદણવાલા અને નરેન્દ્ર શર્મા શાસ્ત્રી પધાર્યા હતા.
ગુજરાતના અનેક નામાંકિત કવિઓએ શ્રોતાઓને પોતાની ક્રુતિઓનુ રસપાન કરવ્યુઁ હતુઁ.મુશાયરામા ‘અકબર અલી’જસદણવાલા,’બેકાર.’રૂસ્વા’(પાજોદદરબાર)’ ‘શેખચલ્લી’’શુન્ય પાલનપુરી’ ‘ગની’દહીંવાલા’ ‘’અનિલ’ ‘હબીબ, ,’પરિમલ’ ‘’સીરતી’ ‘અદમ ‘ટંકારવી’ ‘મસ્ત’’મંગેરા’ ‘રાઝ’ ‘બેબાક.’ રફઅત’ કાવીવાલા’ ‘વફા’ ‘સાગર’ આરિફ’ ‘પથિક’’તબસ્સુમ’ વિગેરે શાયરોએ ભાગ લીધો હતો.
મુશાયરાના આયોજનનો યશ ‘હસીખુશી સ્ટોરવાળા ‘જયંતી ચોકસી અને ‘આરિફ’ સારોદી વિગેરે ઉત્સાહી કાર્યકરોને ફાળે જાયછે.
’મસ્ત હબીબનુ’ સન્માન થેલી દ્વારા થયુઁ હતુઁ.
આ તરહી મુશાયરાની પંક્તિ હતી.
‘કોના વિચારે એમનુઁ હસ્તુ વદન હતુઁ,
આ પંક્તિ પર રજુ થયેલા ચુનઁદા શે’ર વાંચકોના રસા સ્વાદ અર્થે અત્રે રજુ કરવામા આવેછે.
જીવન સમસ્ત કાગળો અઁદર દફન હતુઁ.
ધર્માદા અંતે મળ્યુઁ કવિને કફન હતુઁ.
મહેનત વગર હબીબને થેલી મળી ગઈ
’બેકાર’નુઁ એ કારણે હસ્તુ વદન હતુઁ,
-‘બેકાર’
સૌઁદર્યના તજજ્ઞોનુઁ તાત્વિક કથન હતુઁ.
જીવન હતુઁ કવનમાઁ કે જીવન કવન હતુઁ.
’સાબિર’જીવન ભિંસાયુ મહોબ્બતની ભીંસમા,
કિંતુ સનમની યાદમા હસતુઁ વદન હતુઁ.
‘સાબિર’ વટવા.

પગલાઁ પુજાય એવુઁ વિરોચિત ગમન હતુઁ.
મ્રુત્યુ એ ભવ્ય એવુઁ કે જેવુઁ જીવન હતુઁ.
જગતના પ્રલોભનોને નથી વશ થયુઁ ‘હબીબ’
સચ્ચાઇ પર અડગ અમારુ ખુદ્દાર મન હતુઁ.
-‘મસ્ત હબીબ’ સારોદી.

કેવુઁ ભલા ભગવાન આ તારુઁ સ્રુજન હતુઁ.
આંખે ચમકતુઁ હાસ્યને હૈયે રૂદન હતુઁ.
ઉકેલ્યો ન ભેદ‘વ્યાસ’નો વિત્યુઁ જીવન છતાઁ.
કોના વિચારે એમનુ હસતુઁ વદન હતુઁ.
- પ્રિ.ચીમનલાલ વ્યાસ.
-
લીલુડી ધરતી કયાઁ હતી? કયાઁ ઉપવન હતુઁ.
જન્મારો આખો દુ:ખ શુઁ કાંટાળુ વન હતુઁ.
મારી વ્યથાની પૂઁછના “અશરફ’તુ કથા,
કંટક ભર્યો તે પંથ ને મારુન જીવન હતુઁ.
-યુસુફ અશરફ’ વહાલુ.

એરીત આરઝુનુ થયુઁ કઁઇ દફન હતુઁ.
કાંટાઓની કબર હતી ગુલનુ કફન હતુઁ.
ભટ્કી રહી’તી તારી નજર દુર કયાઁ’વફા’
તારાજ જયાઁ કદમ હતા તારૂઁ વતન હતુઁ.
મુહમ્મદઅલી’વફા”(લુવારવી)

નીચે ધરા હતી અને ઉપર ગગન હતુઁ,
એવુઁ ય કઁઇક વેળા અમારૂઁ જીવન હતુઁ.
પામી શકે કેવી રીતે એની વાસને,
રફઅત’ ઘણેજ દૂર એ ખીલ્યુઁ સુમન હતુઁ.
રફઅત’ કાવીવાલા.

એનાથીજ દિલને જરા શાંત્વન હતુઁ.
મારા જવાથી એમનુ વ્યાકુળ મન હતુઁ.
કેવી પ્રબળ હશે ‘અદમ’ ઉડવાની આરઝુ,
પંખી ની એક પાંખમા આખુઁ ગગન હતુઁ.
-અદમ’ટંકારવી

એ રૂપના પ્રભાવે પ્રભાવિત કથન હતુઁ.
ઝળ્કેછે એજ શબ્દોમા જેવુઁ વદન હતુઁ.
કરમાયુઁ છે એ અકાળે વિકસતાઁ પહેલાઁ એ,
બેબાક’ કેવા હાથમાઁ આ મન સુમન હતુઁ.
‘બેબાક’-કોસંબવી

શોધી રહ્યોછુઁ અર્થ હુઁ એકેક શબ્દનો
અંતે ખબર મળી ગઈ કે એતો મનન હતુઁ.
મારા ઉજાસમા કદી જોયો નથી મને,
સાચેજ જીન્દગીનુ એ કેવુઁ પતન હતુઁ.
‘સાગર’ નવસારવી

મુરઝાયુઁ ડાળ પર આજે સુમન હતુઁ.
તારા વિયોગે ઝુરતુઁ આખુઁ ચમન હતુઁ.
જીવી ગયા’આરિફ’ અમે કઈઁ એવી શાનથી
મ્રુત્યુ ટાણે મ્હેક્તુઁ અમારુઁ જીવન હતુઁ.
‘આરિફ’સારોદી

હસતુઁ વદન હતુઁ-મોહમ્મદઅલી ભૈડુ

એ રીત આ,રઝુનુઁ થયુઁ, કઁઈ દફન, હતુઁ.
કાઁટાઓની કબર હતી ગુલનુ કફન હતુઁ.

ઉજવી હતી,કઁઈ ઇદપણ માતમ કરી કરી,
એના મિલન નુઁ પણ મળ્યુઁ,કેવુઁ વચન હતુઁ.

સૂચક છે વાત એનો ખુ,લાસો ન માગશો,
કોના વિચારે એમનુઁ,,,,, હસતુઁ વદન, હતુઁ

એની અસરથી પાનખર મ્હેકી રહી હતી,
ખુશ્બુમા યાદોની બધુઁ ડુબ્યુઁ ચમન હતુઁ.

ઉઁચા સદનની ધૂળ્માઁ અટવાય કયાઁ તુ દિલ,
આકાશથી યે ઉઁચુ તારુ મન ગગન હતુઁ.

જોકે હતુઁ શબ્દો તણા રઁગે અધુરૂઁ પણ,
સાચેજ હ્રદય ની ભાવનાનુ એ કવન હતુઁ.

ભટકી રહી તારી નજર દૂર કયાઁ “વફા”
તારાજ જયાઁ કદમ હતા તારુઁ વતન હતુઁ.

મોહઁમદઅલી ભૈડુ”વફા”

જઁબુસર મુશયરો 24-2- 1968

છઁદ:
ગાગાલગા, ગાગાલગા, ગાગાલગા,લગા.

(મુસતફઇલુન, મુસતફઇલુન, મુસતફઇલુન,ફઅલ્)

એહસાન છે-મોહમ્મદ અલી ભૈડુ’વફા’

2006-06-01T15:01:00.000-07:00

બસ તમારો આટલો એહ્સાન છે.
કે સલામત બસ અમારી જાન છે.

એ ફર્યો થોડા દિવસ એની ગલી.
કૈસ રણમા જઇને પણ બદનામ છે.

વેદના સુકી હતી સદીઓ તણી,
અશ્રુઓ ક્ષણ ના બધા નાકામ છે.
તુ કયાઁ જઈ શોધી રહ્યોછે ખોરડુઁ,
રંગમા રંગેલા સ્વાર્થના સહુ ગામછે.

હા અમે પૂષ્પો કળી ફોરમ ખરાઁ,
કંટક નગરમાઁ અમારુઁ ધામ છે.

મે’વફા’ માઁગી કદી પીધી નથી,
એનુ ન દુ:ખ ખાલી અમારો જામ છે.

મોહમ્મદ અલી ભૈડુ’વફા’
બ્રામ્પટન ઓકટો.2005

છન્દ: ગાલગાગા,ગાલગાગા,ગાલગા
(મફાઇલુન,મફાઇલુન,ફઊલુન્)